نەخشەی پارێزگای سلێمانی بە قەڵەمی مامۆستا کەمال موکرجی لە ماوەی هەشت ساڵ کارکردندا بە نهێنی کێشراوە. وێنەی ماکی ئەم نەخشەیە 58سم بە 55سم دەبێ. مامۆستا کەمال هاوکاتی گەشتی کارەکەی بۆ دێ و شارۆچکەکانی سەر بە پارێزگای سلێمانی زانیاریی پێویستی نەخشەی جوگرافیی کۆکردۆتەوە و هێناونییەتییەوە بۆ ماڵەوە و لەسەر چەند ڕەشنووسێکی نەخشە تۆماریکردوون. ئەم نەخشەیە لە سەردەمی بەعسدا بووە و ناچار بووە بە نهێنی تێیدا کاربکات. چونکە ناوی زۆر لادێ و شوێنی کوردستانی پاراستووە کە ڕژێمی بەعس خاپووریکردوون و ناویانی سڕیوەتەوە.