$باکووری کوردستان$
- پارێزگاری شاری #جۆلەمێرگ# لە ڕاگەیێنراوێکدا، بڕیاری قەدەغەکردنی هەموو جۆرە چالاکی و گردبوونەوەیەک، کە بە دەیان جارە لەو شارە درێژ دەکرێتەوە، بۆ ماوەی 15 ڕۆژی دیکە درێژ کردەوە.[1]
$رۆژهەڵاتی کوردستان$
- ئێران دەروازەی میهرانی سنووری لەگەڵ عێراق داخست و وادەی داخستنەکەشی دەستنیشان نەکردووە. یاریدەدەری پارێزگاری #ئیلام# بۆ کاروباری سیاسی و ئەمنی، محەمەد نوزەری ڕایگەیاند، هیچ کێشەیەک لە دیوی ئێران نییە و هۆکاری داخستنی ئه و دەروازەیە بۆ ڕەوشی ئاڵۆزی عێراق دەگەڕێتەوە. گوتیشی: وەزارەتی دەرەوەی ئێران ئامۆژگاری هاووڵاتیان دەکات سەردانیان بۆ مەزارگەکانی عێراق بۆ کاتێکی دیکە دوابخەن.[4]
- #فریشتە چراغی#، ڕۆژنامەنووس و چالاکی ژینگەپارێزیی خەڵکی سەرپێل #زەهاو#، لەلایەن هێزە ئیتلاعاتییەکانەوە دەسبەسەر کرا. هێزە ئیتلاعاتییەکان بە هێرش کردنە سەر ماڵی ئەو ڕۆژنامەوانە، بەبێ بەڵگەی یاسایی ناوبراویان دەسبەسەر کردووە. ئەو ڕۆژنامەنووسە کوردە، پاش دەسبەسەرکردنی بۆ گرتنگەی ئیتلاعاتی سپای پاسداران لە #کرماشان# ڕاگوێزراوە.[5]
$باشووری کوردستان$
- لە ناوچەی #تاسڵوجە#ی نزیک شاری #سلێمانی# ژنێکی بەتەمەن بە چەقۆ کوژرا.[2]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/373141/0021.JPG=KTML_ImageCaption_Title=لە تۆڕە کۆمەڵایەتییەکانەوە: 29-11-2019=KTML_ImageCaption_CaptionStyle=000000=KTML_ImageCaption_Caption=لە تۆڕە کۆمەڵایەتییەکانەوە: 29-11-2019=KTML_ImageCaption_End=
- چلەی ماتەمینی ڕۆژنامەنوس #لانە محەمەد ساڵح# لە هۆڵی تەوار لە سلێمانی بەڕێوەچوو.[5]
- #داعش# هێرشی کردە سەر گوندی #کوڵەجۆ# و بەهۆیەوە چەند کەسێک بریندار بوون. بە وتەی شایەتحاڵەکان، هێرشەکە سەرەتا بە چەند گوللە هاوەنێک دەستی پێکرد و دوای ئەوەی هێزەکانی ئاسایش بەدەم ڕووداوەکەوە چوون بۆمبی چێنراویان پێدا تەقێنراوەتەوە و تەقەیان لێ کراوە. لە ئەنجامدا چەند ئەندامێکی هێزی ئاسایش بریندار بوون کە یەکێکیان بەڕێوەبەری ئاسایشی کوڵەجۆیە.[2] زۆرینەی سەرچاوەکان باس لە شەهیدبوونی 3 کارمەندی ئاساییش و برینداربوونی 4ی تر دەکەن. پاشتر ڕاگەیەندرا کە لە ئاکامی ئه و هێرش و پەلامارانەدا ڕائید سمکۆ عەلی، بەڕێوەبەری ئاسایشی شارەدێی کوڵەجۆ و پێنج کارمەندی ئاسایش و سێ هاووڵاتی کە ماڵیان نزیک تەقینەوەکە بوو برینداربوون، بەڵام لەبەر سەختی برینەکەیان ڕائید سمکۆ و دوو کارمەندی ئاسایش بە ناوەکانی (جومعە عەبد، مەحمود جومعه) دوای گەیاندنیان بە نەخۆشخانە شەهیدبوون. [3]
- لە #گەرمیان# بڕیاری بەکارهێنانی زەرفی کاغەز بەسەر نانەواخانە و سەمونخانەکان جێبەجێدەکرێت و قایمقامیەتی #کەلار#یش دەڵێت: لەبەر گرانی نرخی زەرف پێشتر چاوپۆشیان کردووە و لەمەودا هەرکەس پابەند نەبێت سزای دەدەن.[2]
$رۆژئاوای کوردستان$
- لە ئەنجامی شەڕی نێوان #شەڕڤان#انی #قەسەدە# و سوپای داگیرکەر و چەتەکانی لە گوندەکانی کۆرعەلی سەتانی و کەفیفا کە دەکەونە دەشتایی #گرێ سپی#، 4 سەربازی تورک و 2 داگیرکەر کوژران، 11 کەسیشیان بریندار بوون.[1]
- لە ناوەندی شاری #عەفرین# کە لە ژێر داگیرکەریی دەوڵەتی تورکی فاشیستدایە، تەقینەوەیەکی بەهێز ڕوویدا.[1]
- ئەمڕۆ لە کاتژمێر 15:50 خولەک گوندەکانی لەقلەق و زەنۆبیا و کەفیفا و برزناری سەر بە ناوچەی گرێ سپی بە سەختی تۆپباران کران.[1]
$دەرەوەی کوردستان$=KTML_Photo_Begin=https://www.kurdipedia.org/files/relatedfiles/2019/373141/0025.JPG=KTML_Photo_Alt=0025.JPG=KTML_Style=width:30%;height:20%;float:left;=KTML_Photo_Target_Link=https://www.kurdipedia.org/files/relatedfiles/2019/373141/0025.JPG=KTML_Photo_End=
- #عادل عەبدولمەهدی# سەرۆک وەزیرانی عێراق ڕایگەیاند: دەستلەکاردەکێشێتەوە و دەستلەکارکێشانەوەکەشی پێشکەشی پەرلەمان دەکات.[3]
- پوتین لە میانی کۆبوونەوەی ئەمڕۆ هەینی، لەگەڵ ئەنجوومەنی پەیوەندییە نەتەوەییەکان، لە شاری نالچیک، گوتی: ئەوەی ئێستا لە سووریا ڕوودەدات، کە ئەنجامی ئەرێنی سنوورداری هەیە و لەسەر سنووری سووریا و تورکیا بەدیهاتووە، بە هاوکاری و پشتیوانی کورد بووە و لە بەرژەوەندی ئەواندایە، خەڵکانێک هەن لەوە تێدەگەن و دۆستانە مامەڵە دەکەن. پوتن دەشڵێت: پۆلیسی سەربازی ڕووسیا، مامەڵەیەکی باشیان لەگەڵ دەکرێت، لەلایەن کوردی نیشتەجێی ناوچەکە، ئەوان دەبینن کە سوپای ڕووسیا بۆ پارێزگاری ئەوان چووەتە ئەوێ، ئەوەش شتێکی ڕاستە.[4]
کوردیپێدیا، ڕۆژانە بێلایەنانە مێژووی کوردستان تۆماردەکات...
کڕۆنۆلۆژیای ڕووداوەکان