خۆبەڕیوەبەری باکوور و ڕۆژهەڵاتی سووریا ڕاگەیەندراوێکی دەربارەی هەڕەشەکانی دەوڵەتی تورک بۆهێرشکردنە سەرهەرێمەکانی باکوور و ڕۆژهەڵاتی سووریا بڵاوکردەوە.
لە ڕاگەیەندراوەکەدا هاتووە: بە بەرزبوونەوەی ئاستی هەڕەشەکان و ئامادەکارییە سەربازییەکانی سوپای دەوڵەتی تورک و چەتە بەکرێگیراوەکانیان بە ناوی 'سوپای نیشتمانی سوریا' بۆ هێرشکردنەسەر باکوور و ڕۆژهەڵاتی سووریا، وەک بەڕێوەبەری باکوور و ڕۆژهەڵاتی سووریا بۆ سێ ڕۆژ دۆخی سەفەربەری (ئامادەباشی) ڕادەگەینین، هەروەها داوا لە هەموو بەڕێوەبەری، ڕێکخراوەکان و گەلی هەموو پێکهاتەکان دەکەین کە، ڕوو لە ناوچە سنوورییەکان بکەن، تا ئەرکە ئەخلاقییەکانییان جێبەجێی بکەن و لەم ساتە هەستیار و مێژووییانەدا، بەرخۆدانی خۆیان پەیڕەو بکەن.
=KTML_Bold=لە درێژەی ڕاگەیاندراوەکە هاتووە:=KTML_End= بانگ لە هەموو گەنجانی کوردستان و جیهان دەکەین کە بە ئەرکی خۆیان بەرامبەر خاک و گەلی خۆیان لە ناوخۆ هەستن و لە دەرەوە و لەو وڵاتانەی کۆچبەریان بوون خۆپێشاندان و چالاکی ئەنجام بدەن.
=KTML_Bold=لە کۆتایی ڕاگەیندراوەکەشدا هاتووە:=KTML_End= بەرپرسیارێتی ئەو ڕووداوانە لە ئەستۆی نەتەوە یەکگرتووەکان و هەموو ڕێکخراوەکانی، دەوڵەتی ئەمریکا، یەکێتی ئەوروپا، ڕوسیا، هەموو دەوڵەت و دامەزراوەکانی خاوەن بڕیار و کاریگەرن لە سوریا، پێویستە ئەو ڕێکخراو و دەوڵەتانە، ئەرکی ئەخلاقی و ویژدانی خۆیان جێبەجێ بکەن تا کارەساتێکی مرۆیی کە زیان دەگەینێت بە گەلانی باکوور و ڕۆژهەڵاتی سووریا ڕوونەدات.[1]