وەزیری گواستنەوە و گەیاندنی هەرێمی کوردستان ڕایگەیاند، هێڵی ئاسمانیی عێراق زیاتر لە 74 ملیۆن دۆلار قەرزاری #فڕۆکەخانە#کانی هەرێمی کوردستانە و ئەو پارەیەش هی خزمەتگوزاری و نیشتنەوەی فڕۆکە و چەندین خزمەتگوزاریی دیکەیە.
ئانۆ جەوهەر، وەزیری گواستنەوە و گەیاندنی هەرێمی کورستان ڕاگەیاند: هێڵی ئاسمانیی عێراق پارەیەکی زۆری هەردوو فڕۆکەخانەی #سلێمانی# و #هەولێر# قەرزارە.
=KTML_Quote_Begin==KTML_Style=width:35%;float:right;=KTML_Quote_Icon=📌=KTML_Quote_Content=هێڵی ئاسمانیی عێراق زیاتر لە 74 ملیۆن دۆلار قەرزاری فڕۆکەخانەکانی هەرێمی کوردستانە=KTML_Quote_End=
رۆژانە سەدان فڕۆکە بەسەر ئاسمانی عێراقدا تێدەپەڕن کە بۆ هەر فڕۆکەیەک حکومەتی عێراق 375 دۆلار وەردەگرێت.
وەزیری گواستنەوە و گەیاندن ئاماژەی بەوە کرد، فڕۆکەخانەی سلێمانی 19 ملیۆن و 666 هەزار و 661 دۆلار و فڕۆکەخانەی هەولێریش 54 ملیۆن و 806 هەزار و 745 دۆلاریان لای هێڵی ئاسمانیی عێراقە.
ئانۆ جەوهەر ئەوەیشی خستەڕوو، ئەو پارەیە ڕۆژانە زیاددەکات و چەندین جار بەڕێگەی جیاجیا داوای ئەو پارەیەیان کردووە، بەڵام تاوەکو ئێستا ئامادەنین بۆیان بگەڕێننەوە.
لە هەرێمی کوردستاندا دوو فڕۆکەخانەی نێودەوڵەتی هەن، یەکێکیان لە سلێمانی و ئەوەی دیکەشیان لە هەولێرە.[1]
#30-01-2020#