هێزەکانی ڕزگاریی #عەفرین# لەبارەی چالاکیی دوێنێ 11ی نیسانی هێزەکانیان لە ناوچەی شێراوای عەفرین ڕاگەیاندراوێکی بڵاوکردەوە.
لە ڕاگەیاندراوەکەدا هاتووە، لە دژی سەربازانی تورکی داگیرکەر چالاکییەکی تایبەت و چالاکییەکی سابوتاژیان ئەنجامداوە.
بەپێی ڕاگەیاندراوەکە، لەو چالاکییەدا 3 سەربازی تورک کوژراون و 3 سەربازی تریش برینداربوون.
هەروەها 2 ئۆتۆمبێل، کە چەکی دۆشکایان لەسەر بووە لەگەڵ ئۆتۆمبێلێکی سەربازیدا تێکشکێنراون.
لە ڕاگەیاندراوەکەدا هاتووە ئەو 2 چالاکییە بۆ تۆڵەی هەر 3 هەڤاڵمان (عەگید شەرقییە، فەرمان بلبل و خابور عەفرین)، کە لە هێرشی 10ی نیساندا لە ناوچەی شێراوا شەهید بوو بوون، ئەنجامدراوە.
هەروەها سوپای تورکی داگیرکەر و چەتەکانی بە چەکی قورس ناوچە مەدەنییەکان بە چڕی تۆپباران دەکەن. لەو تۆپبارانانەدا هاووڵاتییەک بریندار بووە.[1]
#12-04-2020#