سروە عوسمان قادر شێوەکار و دیزاینەر لە ساڵی 1989 لە کۆمەڵگای (نەسر)ی سەر بە پارێزگای #سلێمانی# لەدایک بووە..سەرجەم قۆناغەکانی خوێندنی سەرەتایی و ناوەندی و ئامادەیی لە سلێمانی تەواو کردووە و ساڵی(2016) کۆلێژی کارگێڕی و ئابووری، بەشی کارگێڕيی کاری لە زانکۆی گەشەپێدانی مرۆیی لە سلێمانی تەواو کردووە.
لە منداڵییەوە ئارەزووی وێنەکێشانی هەبووە و کاری تابلۆی زەیتی و زەخرەفە و نەخشی خەنە بۆ خانمان و دیزاینی کڵاوزەڕ و چنینی جلی کوردی وئێکسسوارات و دیزاینی بەرگی قورئانی پیرۆزە بە هەموو ڕەنگ و قەبارەیەک دەکات..
بەشداری لە چەندان پێشانگا و چالاکيی جۆراوجۆر کردووە هەر لە قۆناغەکانی خوێندنەوە و تا دوای تەواوکردنی زانکۆ, بە کارەدەستیيەکانی بە پێشانگای تایبەتی کارەکانی خۆی و هەروەها بەشێوەی هاوبەش لەگەڵ کۆمەڵێک خانمی دەسڕەنگینی تردا، لە شوێنە تایبەت و گشتيیەکانی وەک پێشانگا نێودەوڵەتيیەکان و مۆڵەکان و باخچەکان لە بۆنە و ئاهەنگ و یاد و بازاڕە وەرزیيەکاندا...
تا ئێستا چەندین بڕوانامەی ڕێزلێنانی بۆ کارەهونەرییەکانی و چالاکیيەکانی لە شار و شارۆچکەکان لە لایەن ڕێکخراوە ناوەخۆیی و بیانییەکانەوە وەرگرتووە. بەشداری چەندان پڕۆگرام و بڕگەی دەسڕەنگینی و چاوپێکەوتن و لێدوان لە تیڤی و ڕادیۆ و گۆڤار و ڕۆژنامەکاندا کردووە..
سەرپەرشتیاری (گەلەری خانمان)ە بۆ کاری دەستيی خۆماڵی، کە تێیدا بەرهەمی کاری دەستيی خانمانی لەخۆگرتووە و لە گەلەرییەکەدا بەردەستە بۆ فرۆشتن، ئەمەش وەک هاوکارییەک بۆ ساغکردنەوەی ئەو کارە جوانانەی خانمانی دەسڕەنگینی بەشداربووی گەلەرییەکە و پیشاندانی کاری خۆماڵی کوردەواری بە میوانە بەڕێزەکان و کڕیارانی خۆشەویست لە بازاڕی ئاوباریک بەرامبەر مزگەوتی گەورە دووکانی 137...
هەروەها سەرپەرشتیاری گرووپی (خەیاڵی خانمان)ة بۆ بەرهەم هێنانی بەشێک لە کاری دەستيی خانمانی دەسڕەنگینی سلێمانی بە کردنەوەی پێشەنگا و چالاکی بۆ کارەکانیان و پیشاندانی بەرهەمە دەستیەکانیان بۆ فرۆشتن، تا لە ڕووی مادی و دەروونيیەوە هەست بە ئارامی بکەن و لە کارە دەستیەکانیان بەردەوام بن.[1]
- پەیجی (نەسیمی هونەرەکانم) لە فەیسبووک: https://m.facebook.com/d986db95d8b3db8cd985db8c-d987d988d986db95d8b1db95daa9d8a7d986d985-473553049826160/?refbookmarks
- ئەکاونتی فەرمی لە ئینستاگرام: https://www.instagram.com/p/b6jsvmbpdih/?igshid10fxcbcln4huu&fbclidiwar1rui2kjan5-ec_apw_wk-_lzouw-8we13fftqaesl_qzggq6pfm07mszm
- ئەکاونتی گەلەری خانمان لە ئینستاگرام: https://www.instagram.com/p/b_hc54ep-ol/?igshid1bya1mmpbm1mb&fbclidiwar2ti9csn9wgire9gasbdhtig3ibvduenjxcxerdzvoiow2648zvadpkl6a
- ئەکاونتی نەخشی خەنە لە ئینستاگرام: https://www.instagram.com/p/b_yeyiojjac/?igshid1vremjq4s7m1f&fbclidiwar3adzgctkupebkarslxwvcjtmivxb6t-huzke5z4wfjldpidyx_34k2ahw