دەربارەی هۆکاری کەمیی بەرهەمهێنانی برنج لە هەرێمی کوردستان، لەکاتێکدا خواردنی سەرەکیی دانیشتوانەکەیەتی، باپیر کامەلا وتی: ئێمە زۆرینەی بەرهەمەکان دەتوانین بەرهەم بهێنین و پشت بە خۆمان ببەستین، بەڵام بە داخەوە حکومەت هێندە بێ پلانە نەیتوانیوە ئەو دۆخە بڕەخسێنێت، بە تایبەت ئەوەی خەڵک پێویستە دووبارە بگەڕێنەوە گوندەکان و پشتیوانی لە جوتیاران بکات و لە قازانج و زیان لە گەڵیانبێت.
نەهلە، بجیل، دەشتی #ئاکرێ#، مەولەوی، سەدری، گوڵ سپی، ئەمریکی بۆندار، برنجی گەرمە، بانیخێڵان، برنجی ساردە و بازیان لە ناوەکانی برنجی کوردیین لە هەرێمی کوردستان، کە سەرجەمیان خڕ و دەنک کورتن، نرخی هەرکیلۆیەکیش لەناوچەیەک بۆ ناوچەیەکی دیکە و بەپێی جۆری برنجەکە جیاوازیی هەیە، بەشێوەیەک لە دوو هەزار و 500 دینارەوە دەستپێدەکات بۆ 4000 هەزار دینار.
جوتیاران دەڵێن، کە ئەگەر وەزارەتی کشتوکاڵ هاوکارییان بکات و هاندەریان بێت، ئەوا دەتوانن زیاتر پەرە بە مەرەزەکردن بدەن و بڕی بەرهەم زیاتر بکەن.[1]