بەگوێرەی ڕاگەیێندراوێکی #وەزارەتی ناوخۆ#ی تورکیا، لە چوارچێوەی هەوڵی قایلکردن بۆ خۆڕادەستکردنەوەی گەریلاکان لەڕێگەی کەسوکارەکانیانەوە، بەیانیی ئەمڕۆ دوو گەریلا لە شارۆچکەی سلۆپی خۆیان ڕادەستی فەرماندەیی هێزەکانی جەندرمە لە شرناخ کردەوە؛ ئێوارەی هەمان ڕۆژیش چوار گەریلای دیکە خۆیان ڕادەستکردووەتەوە.
وەزارەتی ناوخۆی تورکیا ئەوەشی ڕاگەیاندووە، لە سەرەتای ساڵی 2020ەوە کۆی ئەو گەریلایانەی #پەکەکە#، کە لەڕێگەی قایلکردنەوە خۆیان ڕادەستی هێزە ئەمنییەکانی تورکیا کردووە، گەیشتووەتە 116 کەس.
لە ڕاگەیێندراوەکەشدا ئاماژە بەوە دراوە، هەوڵ و کارەکان بەردەوامن بۆئەوەی هاندانی زیاتر بکرێت بۆ قایلکردنی زیاتری ئەو گەریلایانەی کە مەبەستیانە خۆیان ڕادەستی هێزە ئەمنییەکان بکەنەوە.[1]