خوێنی بۆی دەبزوێت
لەسلێمانی و کەرکووک دەوترێت:(خوێن) و لە دهۆک و هەولێر(خین) و لە کۆیە(خوون) و لە خۆشناوەتی(خووین)، خوێن له و ئیدیۆمەدا بەکارهاتووە بۆ هەبوونی پەیوەندی خزمایەتی نزیک و ناوچەیی و ئاوایی و شار و تاد، زۆرجاران وارێکەوتووە کەسێک دەچێتە دڵتەوە و خۆشەویستیەکی سروشتیت بۆ دروست دەکات واهەست دەکەیت کەسێکی نزیکتە وەکو برا و پورزا و کەس و کار و ئامۆزا و خاڵۆزا، ئەوە بووە بە ئیدیۆم بە هۆکاری خزمایەتی و خوێن یارمەتی و هاوکاری یەکێک بکەیت دەوترێت(خوێنی بۆی دەبزوێت-دەجولێت). [1]