ڕۆژی 2021.3.29، بەسەرپەرشتی سوارا ئەکڕەم، قائیمقامی شارۆچکەی #چۆمان# و ئەندامانی ژووری ئۆپەراسیۆنی قەزای چۆمان بۆ بەرەنگاربوونەوەی ڤایرۆسی کۆرۆنا لەدیوانی قائیمقامیەت کاتژمێر 10ی پێش نیوەڕۆ، کۆبووە و دوای تاوتوێ کردنی ڕەوشی گشتی تەندروستی و گۆڕینەوەی بۆچون و سەرنجی ئامادەبووان بەسوود وەرگرتن، لە ڕاگەیندروای پارێزگای #هەولێر# ژووری ئۆپەڕاسیۆنی ئەم بڕیارانەی لای خوارەوە، لەپێناو سەلامەتی گشتی جێ بەجێدەکرێن:-
1/ دوای وەرگرتنی ڕاو سەرنجی لایەنی تەندروستیی قەزاکەمان، سەبارەت بەتەشەنەسەندنی زنجیرەی نوێی ڤایرۆسی کۆرۆنا و زیاد بوونی مەترسیەکانی بۆ سەر هاوونیشتیمانیان، هێزەکانی ناوخۆ (ئاسایش، پۆلیس، پۆلیسی هاتوچۆ، لیژنەی ئابوری قەزای چۆمان و ناحیەکان). ڕاسپێردراون، لە وەرگرتنی ڕێکاری توندی یاسایی بەرامبەر هەموو ئەوکەس و لایەنانەی ڕەچاووی جێبەجێکردنی ڕێنماییە تەندروستییەکان و ڕێکارەکانی خۆپارێزی بەتایبەتی بەستنی (دەمامک) نابن.
2/ هەموو جۆرە گردبوونەوە و کۆبوونەوە و کۆڕ و سمینار و کۆنفراس، لەهۆڵ، شوێنی گشتیی کراوە و داخراو قەدەغەیە، هێزەکانی ناوخۆ و لیژنەکانی قائیمقامیەت چاودێری دەکەن، هەرکەس و لایەنێک سەرپێچی لەوبڕیارە بکات، ڕێکاری یاسایی لەبەرامبەردا دەگیرێتەبەر.
3/ تەواوی ئەو شوێنانەی کە کراوەن، (مۆڵ، مارکێت، شوێنەگشتی و بازرگانییەکان)، دەبێت سەرجەم ڕێنامییە تەندروستییەکان و ڕێکارەکانی خۆپارێزی جێبەجێبکەن، بەتایبەتی بەستنی (دەمامک).
4/ دامەزراوە و فەرمانگە و بەڕێوەبەرایەتییە حکومییەکان و سەرجەم فەرمانبەرانی سنووری قەزاکەمان، تەواوی مەرجە تەندروستییەکان و ڕێکارەکانی خۆپارێزی جێبەجێدەکەن، بەتایبەتی بەستنی (دەمامک) و دروستنەکردنی گردبوونەوە و قەرەباڵغی، هیچ هاوڵاتییەک بۆی نییە بۆ ڕاییکردنی مامەڵەکانی بەبێ بەستنی (دەمامک) بچێتە نێو هیچ فەرمانگە و دام و دەزگایەکی حکومی لەقەزاکەمان
5/ شوێنە گەشتیاریەکان دەبێت بەتەواوی پابەندی ڕێنمایەکانی تەندروستی بن و لە شوێنەکانیان ڕێنمایی خۆپارێزی بەگەشتیاران بدەن و ڕێگە نەدەن جەنجاڵی دروست بێت.
6/ پرسەدانان قەدەغەیە، بنکەی پۆلیس و موختاری گەڕەک ڕاسپێردراون و بەرپرسیارن، هەرکەسێک پابەند نەبێت ڕووبەڕووی ڕێکاری یاسایی دەبێتەوە.
7/ تیمەکانی بەرگری شارستانی ڕاسپێردراون بەهەمانگی ئەوقاف و پەروەردە مزگەوت و قوتابخانەکان بڕشێنن بۆ پارێزگاری لە نوێژخوێنان و قوتابیانی پۆلی دوانزە.
ژووری ڕووبەڕووبونەوەی ڤایرۆس کۆڕۆنای چۆمان
29/3/2021