شێخ نوری شێخ قادر
کەسێکی خاوەن هەڵوێست جوان،
خۆشەویستی خزم و کەس هاوڕێیانی،
باوکێکی ماندو نەناس و خەمخۆرو دڵسۆزی ماڵ و مندا ڵ، ،
لەدایکبووی ساڵی 1924،
دانیشتووی یەکێک لە کۆڵانە دێرینەکانی گەڕەکە جوانەکەی سەر شەقام بوون، نزیک مزگەوتی شێخ مارفی قەرەداغی،
خێزانەکەی ناوی ڕابیعەخان بوو خانمێکی میهرەبان و زمان شیرین، ، و خزم دۆست و میوان دۆست،
کۆچکردوو شێخ نوری، چایخانەیەکی هەبوو لە حەوزە وشکەکە، ، ساڵانێک لەو گوزەرەدا بژێوی ژیانی پەیدا دەکرد لەو چایخانەیەدا، ، ، دواترگواستییەوەو چایخانەکەی دا بە یەکێک لە خزمەکانی بەناوی کاک فەرەج، ئەوانیش پاش ماوەیەک کردیان بەدوکانی جلی کوردی پیاوان،
خۆیشی لە قەیسەری وەسمان پاشا چایخانەیەکی دانا، ، بە داخەوە لەتەمەنی لاویداو لەساڵی 1959، مەرگ بەرۆکی گرت و کچێکی شەش ساڵان و دووکوری منداڵ و هاوسەرێکی گەنجی جێ هێشت..ئەو خێزان و منداڵە وردانەی بەداخ و حەسرەتەوە جێ هێشت، ،
چایخانەکەی لەلایەن (شێخ تەیب) دەبرا بەڕێوەو، چایخانەکە، هەرمابوو تا ئەوکاتەی قەیسەری وەسمان پاشا سووتا..