ڕۆژگاری وشک و چاوی تەڕ
(دونيابينى ئەدەبى)
نووسينى: #تەڵعەت تاهیر#
چاپي يەکەم 2021
بڵاوکار: دەزگاى #فام#. [1]
لە ئەدەبیاتدا ئەوەی قووڵ بێت، لە ڕوونی سڵ ناکاتەوە، زۆر جار ئاڵۆزی، مەبەستێتی قووڵییەکەی نەبینرێت، یان بیشارێتەوە.
داڕشتنی ئاڵۆز وەک ئاوی لیخن وایە، قووڵیی دەشارێتەوە، بۆچی دەبێت لە شیعرەکانی دادایزمەکان تێبگەم، لە شیعرەکانی سووریالییەکان تێبگەم، بەڵام لە شیعری شاعیرێکی کورد تێنەگەم؟! وێڕای ئەوەی شاعیرە کوردەکە بە زمانێک دەنووسێت کە زمانی دایکمە!
شیعری نوێ جێگەی ئەوە نەماوە حەشر و قیامەت تێکەڵ بکات، تابووت و خوێن و دوژمن بخاتە ڕستەی ئاڵۆزەوە، شیاوە مانا ئاڵۆز بێت، بەڵام مەرجە داڕشتن ڕوون بێت.