ناوی کتێب: ساتە ئیلهامبەخشەکان
نووسینی: موفتی مێنک
وەرگێڕانی: ئاراس عیزەدین.
لە کتێبەکەوە:
چۆنیەتی یەکەمین کاردانەوەت بۆ نیشانەی بەڵا و کارەساتێک تاقیکردنەوەی ڕاستەقینەی ئارامگریتە. دەکرێت ئارامگر و دامەزراو بیت یاخود پەرێشان و تووڕە. خۆت بڕیار بدە
ڕۆژانی سەخت و دژوار و هەروا ڕۆژانی شادی هەن. ڕەنگە چەندین جار شکست بێنیت و پێویست بێت دەست پێ بکەیتەوە. شتێکی ناخۆشە، وەلێ باش دەبێت. دەتوانی ئەو کارە ئەنجام بدەیت، داوای یارمەتی پەروەرێن بکە
بۆ ئەوانەی نیگەرانن و گومانیان لە زاتی مەزنی پەروەرێن هەیە، بزانن پەروەرێن تاقیتان دەکاتەوە تاکو بەهێزتر و باشتر بن
بۆ ئەوانەی ماندوو و شەکەتن لە بەردەوامبوون، دەپرسن کەنگێ شتەکان دەگۆڕێن، بزانن جوانی لە هەوڵداندایە. پەرورێن باپەندی بەڵێن و پەیمانەکانی خۆیەتی، ئارامگربن[1]