سکرتێرە 38
گۆتم : دەوجە گوڵاڵە خانی ئیزن دە بابێتە ژۆرێ، گۆتی بەچاوان، ئەو ڕۆیی و گوڵاڵە خان هاتە ژۆرێ، ئاگری لە نیوچەوانی دەباری، ئەمنیش بە زەردەخەنەوە پێشوازیم لێکرد، عقوبەکەی برند کردو گۆتی : ئەمن ئی ئەو حارەیمە ؟ گۆتم : دۆڵمەکەی لۆیان دەپێچای سەری خواردی ! گۆتی : ئەمنت هینا ڕێزەوان و عقوبەت لۆ دەرکردم، لەبیرت کرد ئەمن بەڕێوەبەری بەڕو بەحریمە ! گۆتم : دەتوو دانیشە با چایەکی ئەسعەد بەگیت لۆ گاز کەم، گۆتمە پارێزەرەکەش : ئەتوو بڕۆ ئەو دیوی هەتا دوو خزمەکەت دێن، لەگەریان دانیشە، وەکی دەستم بەتار بوو، گازتان دەکەم، گۆتی : زۆر باشە، هەستاو چووە دەرێ..! گوڵاڵە دانیشت و لاقی لەسەر لاقی دانا، لە توڕەییان هەردوو لاقی دەهەژاندو پەنجەکانی دەستی لێک ئاراندبوو و ئاو دیوو و ئاو دیووی دەکردن، گۆتی : جەنابی وەزیر دەبی ئەو عقوبەی من بستڕیەوە ! گۆتم : گوڵاڵە خان ئەتوو لە ئیدارەی دەزانی، کە فەرمانەک دەرچوو هەرناوەشێتەوە، لۆیێ دەبی ڕازی بی و ئەو غەرەتانەی کردیتتان چاکی کەنەوە، گۆتی : یەعنی هیچ مەجالی تێدا نیە، گۆتم : نەخێر، بەران ئەگەر ئەتوو وەزارەتی مەزبووت کەی و ئەو دیاردانە نێلی، تەئکیدبە سوپاسنامەت لۆدەردەکەم، گۆتی : ئوستاز وەزارەتەک بی و ئی ژنان بی، دەبی هەر ئەو چشتانەی لێبکرێ، وەڵلا بچووبایە ژۆرەکەی تەنیشت ئەوەی دۆڵمەیان لۆ من دەپێچا، هەتا هێزت تێدایە هەردەهاتی و بەحەیاتی نەدەهاتیەوە وەزارەتی ! گۆتم : لۆ چی لێبوو ؟ گۆتی : وەڵلا هەندەکیان دانیشتبوون وسڕەیان گرتبوو دەم وچاویان دەکرد بە داوی، هەندەکیان لاقیان هەر کردبوو، دەرمان حەمام و شیلەیان لێدەداو تووک و مووکیان لێدەکردەوە ! دیسان گوڵاڵە خان لە قریتەی پێکەنینێی داو عقوبەو مقوبەی لەبیر کرد..! گۆتی : هەندەکیشیان..، گۆتم : توخوا تەواوی مەکە، بلۆکەکی لەسە دانێ ! گۆتی : ئوستاز فشەیە فشە، بەس بزانم ئەتوو لۆ ئەوها خۆت مشەوەش کردیە، بەڕێیکە بەڕێ هەی لەمنت نەکەوی..!
گۆتمە گوڵاڵە خانی : وەڵلا بە ڕێ ناکرێ بە فشە، ئەتوو ئیداریەکی باشی و چەند سارە لە وەزارەتی، هەقی وایە بەجددی ئیش بکەی و لێنەگەڕێی ئەو فشەخانەیە دروست بی، گۆتی : بەینی خۆمان بی لەسەرێ ڕا فشەیان دەوێ و دەیانەوێ بەفشە بڕوا، جەنابی وەزیر ؛ حکومەت مندارەکی ساوایە لە باوەشی حزبی، حزبیش حکومەتی بەکار دەینی لۆ بازرگانی و خۆ دەورەمەند کردنێ، ئەگەر ئەتوو بەتەمای ئەوەی بی چاکسازی بکەی و وەزعەکەی باش کەی، لەمن وەرگرە پێت ناکرێ، چاکسازی بە شۆفەرەکی دەکرێ لە سەرێ ڕا هەتا خوارێ هەمووی ساف کا، هەتا ئەو شۆفەرەش پەیدا دەبی، میللەت سەری دەچیتە قوڕێ..!
بە هوردی گێم دابووە قسەکانی گوڵاڵە خانی و زانیم ڕاست دەکاو لە بنی درێ دێتە دەرێ، هەر کەسەک لەو کاولستانەی بەتەمای چاکسازی بی پێی ناکرێ، چونکە ماسیەکە لە تەپلی سەری ڕا بۆگەنی بووە، قاندرمەش ئەگەر لە پلیکانەی سەرێ ڕا خاوینی نەکەیەوە هەتا خوارێ، هەر بە پیسی دەمینێتەوە..! گۆتمە گوڵاڵە خانی : لۆ نایێی ئەمن و ئەتوو دەست بەو چاکسازیەی بکەین لەو وەزارەتەی، گۆتی : ئاسان نیە، دوو ڕۆژی دی نابا هەردووکمان تەفنیش دەکەن، پەڕو بارمان دەکەن و ناچارمان دەکەن یان لەگەر وەزعەکەی بڕۆین، یان واز بینین..! هەستامەوە سەرپێیان، گوڵاڵە خان گۆتی : خێر..! گۆتم : بابچینە ژۆری سەرو پێچک چاکردنێ ! گۆتی : وازیان لێبینە جەنابی وەزیر..! گۆتم : ئەگەر نایێی بەتەنێ دەچم، ڕاست لە ژۆری خۆم چوومە دەرێ و بەڕێکەتم لۆ ژۆرەکەی، گوڵاڵە خانیش کەتە دووم، گەیشتمە کن دەرکەی، دیتم پیرەژنەک لە پێش دەرکەی دانیشتیە، جغارەکی بە لا لێوی وەیە، لەو جغارە باریکانەی پاکەتیان بە دووسەت و پەنجا دیناریە، جغارەی لە لێوی نەدەکردەوەو قووم لە دوو قووم لێی دەداو ئەو ناوەی قانگ دابوو، وەکی چاوی بەمن کەت مشەوەش بوو، قیت بۆوە و گۆتی : مامەستا بەخێراتی ! گۆتم : سەلامەتبی، ئەو جغارە چیە بەلا لێوت وەیە ؟ جغارەکەی لە لا لێوی کردەوەو بە دەستی چەپی هاویشتە پشتەخۆی، دوایێ هێدی هێدی پێی هاویشتە سەرێ و کوژاندیەوە، گۆتی : ڕۆرە بە قوربانت بم، ما نازانی درن چەند بەخەمە، چانیە ئەو جغارۆکە هەیە خەمی پێ بەبا دەکەین، دەنا ئەو درە ناسکۆکەمان دەتەقی..! گۆتم : ئەوە ئاخیر جارتە جغارەی لەناو وەزارەت دەخۆی، دەنا عقوبەت دەدەم، گۆتی : بە قوربانی ئەو سمێرە قەیتانیەت بم، ئەمە چەند سارە هەر ئەوهامان ڕاکێشایە، پەخوای تووندی بکەی دەپسێ، بشپسێ بەکەس گرێ نادرێتۆ..!
دەستم لۆ دەرکەی برد بکەمەوە، پیرەژن گۆتی : قوربانی جددت بم نەکەی، گۆتم : لاکۆ لە پێشم و بڕۆ لێرێهێ ڕاوەستە، گوڵاڵە خان گۆتی : دایە جووجە، خۆت لادەو لە جەنابی وەزیری گەڕێ ! گۆتم : ناوی چیە ؟ گۆتی : دایە جەواهێر، بەران نازناوی دایە جووجەیە..!
گۆتم : دایە جووجە ئەتوو تەعینی ؟ گۆتی : وەڵلا ڕۆرە بەخۆشم نازانم، دەرێن تەعینی و تەعین نی، ئێجا نزانم نە تەعینم نە دۆشاوم ! لەگەر ئەو قسەی دایە جووجە وەکی گوڵاڵە خانی لە قریتەی پێکەنینێی داو ددانە زەردەکانی پشتەوەشی بەدەرکەتن، دیتم دوو خرێنەی پشتەوەشی بە نیکلی پڕ کردبۆوە ! گۆتم : کوو نازانی تەعینی یان نا ؟ دەستی لۆ گوڵاڵە خانی درێژ کردو گۆتی : وەڵلا بەو شلکە ڕعانەم گۆتیە، دەرێ ئەتوو ئەوەی، ئەوی وکی چایەپەستی ! گۆتم : گوڵاڵە خان چایەپەست چیە ؟ گۆتی : جەنابی وەزیر، لەگەر گرێ بەستیتی ! گۆتم : ئا ئێ ئێ، کوو داتان مەزراندیە بە گرێ بەست ؟ گۆتی : وەڵلا خزماتیەکی لەگەر وەزیرەکەی پێش جەنابت هەیەو ئەو گۆتی : بەر سێبەرەکی لۆ بیننەوە، ئیدی ئەمەش لێرەمان دانایەو حەفتەی دوو ڕۆژ دەوام دەکا..!
دایە جووجەم لاداو یەکسەر دەرکەم کردەوە ! وەکی چوومە ژۆرێ ئیلاهی چ ببینم، هەرایەک بوو نەبیتەوە، ئێک پرچی ئێکی دەبڕی، ئێکیدی دەم و چاوی سپی سپی کردبوو، نازانم نە مەنجەرە ماستەک بوو لە چڕوچاوی دابوو، نە مەرحەمی چاوان بوو، ئێکیدی لاقی هەتا پشت چۆکی هەر کردبوو دیاربوو بە مەکینەی جیلێتی دەیتراشی، ئێکیدی داوی لە دەم چاوی ئێکیدی دەدا، وابزانم ئەوەندە بەسە، زیاتر لەسە بڕۆم بەو سەرمایەی وەزعی هەندەکان تێک دەچی..! وەکی چاویان بەمن کەت هەموو ڕەق بوون، نەقسەیان پێکرا، نە جوولە، هەندەک بەپەلە دانیشتن و خۆیان بە عاردی وەنا، ئێک دووەکی دی، بە چڕوچاوی پڕ لە ماستەوە هەراتن لۆ دەرێ..! بەینەکی تەماشام کردن و چوومە دەرێ، گوڵاڵە خانیش لە دوومن بە تووندی هاتە دەرێ..!
چوومەوە ژۆرەکەی خۆم و گۆتمە گوڵاڵە خانی : ناوی ئەو کارمەندانەم لۆبینە هەتا ئێکی سێ ڕۆژ معاشیان ببڕم و بیانگوازمەوە و لەناو وەزارەتیان نێلم، هەر چەند پاڕاوە سوودی نەبوو، لۆیێ بە ناچاری گۆتی : بەچاوان ئێستا لۆت دەینم، گوڵاڵە خان چووە دەرێ و پارێزەرەکەم هات و گۆتی : خزمەکانم هاتینە، بێنە ژۆرێ ؟ گۆتم : بابێن..ئیدی هاتنە ژۆرێ و چاک و چۆنیمان کردو دانیشتین، گۆتم : فەرموون ئەمرەکتان هەبوو ؟ ئێکیان گۆتی : وەڵلا جەنابی وەزیر ئیشەکمان کەتیتە وەزارەتی کشت و کاڵ و لۆمان ناکەن، بەشکو بە وەزیری برێی لۆمان بکا، گۆتم : برێن ئیشەکە چیە ؟ گۆتی : وەڵلا حەز دەکەین پڕۆژەکی کشت و کاڵی بکەینەوەو داوای دووسەت دۆنم عاردمان کردیە، بەتەماینە ئەگەر بمان دەنێ، سەتان چێری شیری هۆڵەندی گەورە گەورە بینین و لێرە بەخێویان بکەین، کارگەکی لەگەر دانێین و شیرەکەی بکەینە ماست و پەنیرو کەرەو قەیماغ و شتەکانی دی، بە نرخەکی باش باوێینە بازاڕی و ئیدی چیدی بەرهەمی دەرێ نێ لۆ ناوەخۆمان، بێجگە لەوەش ئەگەر عاردەکەمان بدەنێ هەزار بنە دارخورمای دەینین و دەیچینین و دەبینە خاوەن خورمای خۆشمان، هەر لەوێش مێش هەنگینی بەخێو دەکەین هەنگینی خۆمان بەرهەم دەینین و دەفرۆشینە دەرێش، هەرچی داروباری بەبەریش هەیە دەیچینین و خێرەکی زۆری دەبی، چەندین حەوزە ماسی گەورەش دەکەینەوەو دەبینە خاوەنی ماسی خۆشمان، ئێ بەو ئیشەی سەتان هەلی کاریش دەڕەخسێنین لۆ گەنجەکان..! گۆتم : وەڵلا پڕۆژەکەتان زۆر جوانە، بەران پێم برێن وەزارەتی کشت و کاڵ وەرامی چبووە، گۆتی : وەڵلاهی هەر دەستی دەستیمان پێدەکەن و هەر ڕۆژەی بەنەوعەکی بەڕێمان دەکەن..! گۆتم : ئەمن قسەی لەگەر وەزیری کشت و کاڵی دەکەم و باشی ئەو پڕۆژەی لۆ باس دەکەم، بزانم چدەرێ، ئەوجە وەرامتان دەدەمەوە، زۆر مەمنونم بوون و خواحافیزیان کردو ڕۆیشتن..
گوڵاڵە خان هاتەوەو ناوەکانی هینابوو، لەپێشی دانام و گۆتی : جەنابی وەزیر عقوبەکی دی لۆ من دەرکە، بەس ئەوان عقوبە مەدە ! گۆتم : لۆ ؟ گۆتی : ئاخر ئەوان گوناحن، گۆتم : دەترسێم ئەوانیش وەکی مەسەلەی دۆلمە پێچانەوەکەی ئیشەکی دی لۆ توو بکەن، لۆیێ دیفاعیان لێدەکەی ! گۆتی : ئەیڕۆ جەنابی وەزیر ئەو قسانە چیە دەیکەی، قابیلە ئیشی چم لۆ دەکەن ؟ گۆتم : وەڵلا مار پاککردنەوەیە، مافور شووشتنە، کەوەنتەر سڕینەوەیە..! گوڵاڵە خان ڕەنگی بڕەک تێکچوو، ترسا پۆخی بەگۆڕێ وەربی، لۆیێ گۆتی : کەیفی خۆتە جەنابی وەزیر، ئەتوو ئازادی، گۆتم : باشە دایە جووجە لۆ حەفتەی دوو ڕۆژ دەوام دەکا ؟ گۆتی : ئەدی نەمگۆ خزمی وەزیرەکەی پێشە تووە ! جەڕەسەکم لێداو بەردەستەکەم هات، گۆتم : بڕۆ گازی پلکە جەواهێری کە ! گۆتی : قوربان کەسمان نیە بەو ناوەی..! گۆتم : دایە جووجەی دەرێم دایە جووجە..! گۆتی : ئا ئێ ئێ، بەچاوان هەر ئێستا.. گۆتمە گوڵاڵە خانی : دانیشە هەتا دایە جووجە دێ..!
هەندەی نەبرد دایە جووجە هات، دەبینم دیسان جغارە باریکەکەی بەلالێوی وەیە، گۆتم : ئەمن نەمگۆ لەناو وەزارەت جغارەی نەکێشی !؟ گۆتی : ئەوها بڕوا ئەتوو ئەو درە ناسکۆکەی من دەتەقێنێ ! دایە جووجە کێشەکی دی هەبوو لەگەر جغارەی، ئەویش ئەوەبوو، وەکی سۆتەکی سەری جغارەکەی زیادی دەکرد، لەباتی فڕێدا، دەیهاویشتە دەوی و دەیخوارد ! هەر بەجارەکی ئەعسابم لێی نەما، گۆتم : گێبدە من، لەوە پاش هەموو ڕۆژێ دەوام دەکەی، حەفتەی دوو ڕۆژ نەما، گۆتی : لۆ چبووە، خۆ جوولەکەی خەیبەرێ نیمە ئەوها تەعزیبم دەدەی، گۆتم : دەوام هەموو ڕۆژێیەو دەبی مەزبووت بی، گۆتی : ئاخر ئەمن ڕۆژەکانی دیش دەوامم هەیە ! گۆتم : دەوامت لە کێ هەیە، گۆتی : لە مارێ وەزیرەکەی خزمم، ڕۆژەکانیدی دەچمە وێندەرێ و لەوێ بەردەستیەکیان هەبی لۆیان دەکەم، گۆتم : مادام وایە بەیەکجاری بڕۆ لەماری وان دەوام بکەو با ئەو معاشەکەت بداتێ، ڕووم لەگوڵاڵە خانی کردو گۆتم : گرێبەستەکەی هەروەشێنەوە بابچی لەماری وەزیری دەوام بکاو بنووسە پێویستمان پێی نیە..! دایە جووجە ما بپاڕێتەوەو بکڕوزێتەوە، دەستی بەگریانێ کردو گۆتی : ئەتوو هەر بەمن دەوێری، هەموو ئەوانەی لێرە دەوام دەکەن عەفتەی یەک دوو ڕۆژ دێن، ئەتوو هەر بەمنت گرتیە..! گۆتم : گوڵاڵە خان ئەو قسە ڕاستە ؟ گۆتی : ڕاستە و ڕاستیش نیە، گۆتم : ئەوە چیە ڕاستەو ڕاست نیە ؟ گۆتی : وەڵلا لۆ هەمووان وانیە، بەران هەندەک وانە، گۆتم : بڕۆ هەرئێستا ئەمرەکی دەرکەو دەبی هەموویان لەسبەینێوە بە مەزبووتی دەوام بکەن ! دایە جووجە گۆتی : ئەدی ئەمن ؟ گۆتم : ئەتوو ئەگەر بە مەزبووتی دەوام دەکەی لێرەبە، ئەگەر نا گرێبەستەک هەردەوەشێنینەوەو بڕۆ لەماری وەزیری دەوام بکە، گۆتم : فەرموون بڕۆنەوە جێی خۆتان، هەردووکیان بە در ساردی چوونە دەرێ..!
ویستم تەلەفۆن لۆ وەزیری کشت و کاڵی بکەم، جەعۆ و مام عەوڵا هاتنەوە، جەعۆ هەر هاتە ژۆرێ، دەرکەی ژۆرەکەی پێوەداو گۆتی : هەلە بیک هەلە، ئوو بجەیتەک هەیە، هەلە بلبەبەغا هەلە، ئیدی دەستی بە قوون بادان و هەر پەڕینێ کرد، مام عەوڵا سەرەکی باداو گۆتی : ماشەڵلا زەلامەکی کەرە، دوایێ ڕووی لەمن کردو گۆتی : توخوا ئەوە ئی وەیە بەبەغای سوودانی لۆ بینی، لە کێندەرێش، لە لوبنان، گۆتم : وەڵلا مێشکی سەری بردم، ڕۆژی سەت تەلەفۆنی دەکرد، ناچار بووم لۆی بکڕم، مام عەوڵا زەرفەکی لەپێش دانام و گۆتی : ئوستاج بەریدەکە ئەو زەرفەشی لەگەربوو، زەرفەکەم کردەوە، دیتم، پاکەتەک چایەی مۆرینگۆو سیدیەکی تێدابوو، سەرم سوڕما لە سیدیەکەی چونکە ئەمن داوای سیدیم نەکردبوو لە شڕبلی..! لەو داڵغەی دابووم جەعۆ گۆتی : گەلە مەمنون گدۆ، بە نامووسم بەس بەخۆت پیاوی، بەس ئەتوو پێم برێ بەچەندت کڕیە ؟ گۆتم : بڕوا بکە نازانم، دەبی لەگەر شڕبلی قسەی بکەم بزانم بە چەندی کڕیە، هەتا پارەکەی لۆ تەحویل کەین، گۆتی : هەر چەندبی، ئەمن خێری لێدەبینم، چونکە دەزانم لەوێ هەرزانترە لێرە، گۆتم : زۆر باشە ئیشاڵلا خێری لێدەبینی.. دەستم دا سیدیەکەی و هاویشتمە ناو لاپتۆپی، هەر ئەوەندە بە ئیش کەت، دەنگی هانەهانی ڕۆژە ڕێیەک دەڕۆی، بەپەلە کوژاندمەوە، جەعۆو مام عەوڵا تێکڕا گۆتیان : ئوووووووووووووو..!
گۆتم : یاڵلا بڕۆنە دەرێ..! جەعۆ گۆتی : دیارە ئەمە گێلین بچینە دەرێ گدۆ، دەتەوێ ئەمە دەرکەیی و بەتەنێ تەماشاکەی، وەڵلا وەبیللا پەل پەلم کەن ناچمە دەرێ ! مام عەوڵا گۆتیە جەعۆی : سەبر گرە کەرە، پاشان گۆتیە من : ئەرێ ئوستاج ئەو زەلامە غەریب نەبوو لەبەر چاوم ! گۆتم : کیهان زەلام ؟ گۆتی : ئەوەی لەگەر ژنەکەی بوو لەو فلیمەیی و مەشکەی دەژەنی ! گۆتم : بەڕاستتە ؟ گۆتی : ئەرێوەڵلا زۆر بە ئێکەکی دەچی دیتیتم، وەڵلاهی وابزانم لەگەتوو وەزیرە، گۆتم : کورە دەخێر برێ مام عەوڵا ! گۆتی : دەتوو پێیکەوە، بزانە هەوە یان نا، جەعۆ گۆتی : ئەرێوەڵلا پێیکەوە، هەر یەک لەقتەی ببینین بەسە، قابیلە لەقتەک چیە ! گۆتم : نا بابە واز لەو فلیمە قۆڕەی بینن و پێویست ناکا تەماشا بکەینەوە، لەوانەیە بە غەرەتی هاتبی، یاڵلا دەی بڕۆنەوە جێی خۆتان، باشبوو چوونە دەرێ، ئەمنیش ڕووم لەپەنجەرەی کردو داڵغەکی دوورو قۆرم لێدا، پاشان جەڕەسەکم لێداو گۆتمە بەردەستەکەی قاوەکم لۆ بینە، بەران شەکری تێنەکەی، گۆتی : بەچاوان جەنابی وەزیر، هەندی دەمێ قاوەکەی هینا، فڕەکم لێداو فکرم لەو قسەی مام عەوڵای کردەوە کە گۆتی : ئەو پیاوە غەریب نیە لەبەر چاوم، گۆتم : ئەتوو برێی وەزیرەکانی خۆمان بن و لە لوبنان تووشی بەزم و ڕەزمی بووبن و وێنەیان گیرابی، قسەی شڕبلیشم بەبیر هاتەوە کە بە منی گۆ : بەس ئەتوو ساغ دەرچووی ! لۆیێ بڕیارم دا دیسان تەماشای سیدیەکەی بکەمەوە، لابتۆپەکەم کردەوەو دیسان تەماشام کرد، وەکی دەبینم، ئەوە ڤیدیۆی هەموو وەزیرەکان و وێنەیان گیرایە، هەر ئێکەو لەگەر کچەکەی، لە هەمووی کارەسات تر ئێکیان لەگەر تەنتەکەی بوو، میشێلی دەرێم، ئەوە زۆر خەفەت باری کردم، تەئکیدیش بووم شڕبل سەرو سیدی لۆ هەموو وەزیرەکان ناردیە، بەران نازانم لۆ سەرۆک وەزیرانی ناردیە یان نا..!
لەو دالغەو خەیارانە دابووم، داکی ئەحمەدی تەلەفۆنی کرد، گۆتی : ئەتوو لە کێ ؟ گۆتم : وەڵلا وا لە وەزارەتم، فەرموو ئەمرکە ! گۆتی : وەڵلا ئەو ئێک زن هاتی لەماڵ، ئوو زۆڕ ئازا ئیش دەکا، حەموو ماڵ تەنزیف کرد زۆر زوان..! گۆتم : ژنی چ، وەڵلا هەر ئاگاشم لێ نیە ! گۆتی : با ئەو گۆت ئەمن موەظفه لە وزارە، گۆتم : بابە چشتی وانیەو ئەمن کەسم نەناردیتە مارێ یارمەتیت بدا، بەس پێم برێ ناوی چیە !؟ گۆتی : وەڵلا ئەو گۆت : دایە زووزە ! گۆتم : ئەتوو بە ڕاستیتە ! دایە جووجە چدەکا لەمارێمە، لۆ هاتیە ئیشی لۆ توو دەکا، گۆتی : وەڵلا ئەمن نازانی، بەس ئەو گۆت : ئەمن دەکا موساعدە ماڵ وەزیر، ئوو ئەو وەزیر زۆڕ باش..! گۆتم : باشە باش، جارێ لێیگەڕێ هەتا دێمەوە، ئەمن بەخۆم قسەی لەگەر دەکەم..! مۆبایلم قەپات کردو ناردمە دوو گوڵاڵە خانی، هات، گۆتم : گوڵاڵە خان کا دایە جووجە ؟ گۆتی : وەڵلا جەنابی وەزیری گۆتی : ژانە سەرەکی زۆر بەقووەتم لێیە، خێرت دەگاتێ ئیزنم بدەی دەچمە دختۆرەکی، بزانم زەختم هەر نەستایە ! ئەمنیش ئیزنم دا، گۆتم : کورە بابە زەختی چ وحاری چ، وا لە مارێ مەیە ! گۆتی : ئەیڕۆ ئوستاز لەمارینگۆ چدەکا ؟ گۆتم : وەڵلا خێزانم دەرێ وا خۆی هەر کردیە لەو مارەی، وەکی پیفۆکی لێکردیە، هەر هەمووی خاوین کردەوە ! گۆتی : ئەی سەگ دایە جووجە، ئەویش لێرە فێرە سیاسەت بووە، گۆتم : ئەوە ئەوەل و ئاخیریتی دەچتە ماریمە، ئەوجارە ئەوها بکا فەسلی دەکەم..!
وەختی کۆتایی دەوامێ گۆتم : با تەلەفۆنەکی لۆ وەزیری کشت و کاڵی بکەم و بزانم نایبینم لۆ ئیشی ئەو دوو پیاوەی، تەلەفۆنم لۆ کردو گۆتم : کووی ؟ گۆتی : کووی برێی خراپ، میزاجم گیرایەو تاقەتی هیچم نیە ! گۆتم : دەترسێم تەسەمموومت کردبی، یان زەختت هەستابی ! گۆتی : کورە بریا ئەوانە با، ئەوانە زەڵاتەنە لەچاو ئەو دەردەی ئەمن لێیتم..!
مایتی[1]