چاکی سارتکەی سەرێ
شوێن: خۆرهەڵاتی گوندی سارتکەی سەرێ بە دووری شەش تا حەوت کیلۆمەتر لە جادەی گشتیی شارەدێی #سەرکەپکان#، پڵینگانەوە دوورە.
ناو و شۆرەت: هیچ ناوێکی نییە و هەر بە ناوی گوندەکەوە بە چاکی سارتکەی سەرێ، شورەتی ڕۆیشتووە.
مێژوو: هێندە کۆنە کە هیچ گومانێک ناهێڵێتەوە کە بۆ پێش ئیسلام دەگەڕێتەوە.
ڕەچەڵەک: بە پێی کونییەکەی دەبێ کورد بووبێ و خەڵکی سنوورەکە بوو بێ.
مزار: بۆ هەر جۆرە نەخۆشییەک و مەبەستی دیکە.
تێبینی: مەزارەکە کەوتۆتە نێو گۆڕستانێکی زۆر گەورە و کۆنەوە، جا لەبەر ئەوەی کە تێبینی دەکرێ، ئەو دەوروبەرە لە مێژووی خۆیدا ئەوەندە خەڵک و ئاوەدانیی تێدا نەبووە، تا گۆڕستانێکی وای لێ درووست ببێ، بۆیە پێیدەچێ گۆڕستانەکە هیی ئەو شەڕکەر و کوژراوانە بێ کە لە ئەنجامی هێرش و پەلامار و شەڕدا کە لەو شوێنە ڕووی داوە، لە هەردوو تەرەف کوژراون و هەر لەوێش نێژراون.[1]