دەقی پیرۆزباییەکەی سالار سەرحەد خەلیفەیونس، ئەندامی سەرکردایەتی و لێپرسراوی بۆردی پەیوەندییەکانی #یەکێتیی نیشتمانیی کوردستان#:
بەبۆنەی یادی 30 ساڵەی دەرچوونی ژمارە سفری ڕۆژنامەی کوردستانی نوێ، پیرۆزبایی لە سەرنوسەرو تەواوی ڕۆژنامەنوسان و کادران و هەموو ئه و هەڤاڵانەش دەکەم کە پێشتر لەم ڕۆژنامەیە خزمەتیان کردووە.
سێ دەیەیە کوردستانی نوێ نەک تەنها بۆ یەکێتی نیشتیمانی کوردستان بۆتە شانازی و سەروەریی، بەڵکو شانازیشە بۆ مێژووی ڕۆژنامەگەریی کوردی، بە ڕەخساندنی مەودای فراوان بۆ خستنەڕووی بیروڕای جیاوازی نووسەران و ڕۆشنبیران.
کوردستانی نوێ لە هەموو قۆناغەکاندا بەرپرسیار و سەنگین و ڕاستگۆیانە بۆتە سەرچاوەی باوەڕپێکراوی گەیاندنی هەواڵ و زانیاریی.
چاومان لەسەر ئەوەیە لە هەڵومەرجی گۆڕاوی کوردستان و عێراق و ناوچەکە، کوردستانی نوێ وەک هەمیشە پێشەنگی ڕۆژنامەوانی بێ لە هەرێمی کوردستان.
دووبارە پیرۆزە
سالار سەرحەد خەلیفەیونس
ئەندامی سەرکردایەتی و لێپرسراوی بۆردی پەیوەندییە کوردستانییەکان (ی.ن.ک)[1]