ڕۆژی ئاڵا
ئەمڕۆ زۆر شادمانم
ڕۆژی ئاڵاکەمانە
جلی کوردیم پۆشیوە
هاتووم بۆ قوتابخانە
دیمەنێکی زۆر جوانە
ئاهەنگیان سازکردووە
یادی ڕۆژی ئاڵایان
بەبەرزی ڕاگرتووە
ئاڵا هێمای بونمانە
سەروەری گەل و هۆزە
شکۆی نەتەوەی کوردە
بۆیە لامان پیرۆزە
دەبا هەموو یەکبگرین
تا سەرکەوێ نیشتمان
با ئێمەش وەک وڵاتان
شەکاوەبێ ئاڵامان
17 – 12 - 2019
پەرتووکی #خەیاڵی کۆترەکان#
#فەرهاد ئەحمەد بەرزنجی#[1]