کەما بەدەم کەر خۆشه
کەما، گیایەکی لاسک ئەستوری گەڵا وردی باڵابەرزی گوڵ زەردی بەهاریە لە کوێستانەکانی کوردستان گەش و نما دەکات، خاوەن ئاژەڵەکان لە بەهاراندا گیادووری دەکەن و گزرەی دەکەن، گزرە، ئه و گیادووراوەیە کە خاوەن ئاژەڵەکان هەڵیدەخەن بۆ وشک بوونەوە بۆ ئەوەی وەرزی ساردوسۆڵە و ڕێبەندان لە کوێستانەکان دەرخواردی ئاژەڵەکانیانی بدەن، ئه و پارچە زەوی و لاپاڵای کە ڕووەکی کەمای زۆر بێت پێی دەوترێت(کەماجاڕ) هاوشێوەی(گەڵاجاڕ و نێرگزجاڕ و گۆجاڕ)، ئاژەڵی گوێدرێژ یەکێکە له و ئاژەڵانەی کە زۆر باش ئه و گیا گزرە کەمایە دەخوات، ئەوە بووە بە ئیدیۆم بۆ لێهاتن و لێوەشانەوە و گونجان و(قابیل)بوون دەوترێت: کەما بەدەم کەرێ خۆشە.[1]