خۆ نانکردنی تیری نییه
لە دەربەندیخاندا گوێم له و ئیدیۆمە بوو کە هاوشاریانی ئه و شارۆچکەیە لەکاتی ئاخاوتندا لەگەڵ یەکتری بەکاریان هێنا، هاوشێوەی ئەوەشم بیستووە کە دەوترێت : خۆ قوڕکاری نییە یان قوڕ شێلان نییە، نانکردنی تیری کە ئەرکی ژنان و کچانە، زۆر ئەرک و زەحمەتی خۆی هەیە، هەر لە هەویر شێلان و ئەنگوتک کردن و پانکردنەوەی بە تیرۆک و کەوڵ و دووکەڵ و هاڵاو و گڕی زمانەی ئاگر و...تاد، هەموو ئەمانە بە ئاسانی جێ بەجێ ناکرێن، سەرباریش ڕۆژانە حاڵەتی نانکردن دووبارە دەبێتەوە، ئینجا لە دەوروبەری شارۆچکەی دەربەندیخان ئەگەر کارێک قورس نەبێت و بوترێت دەتوانی چایەیەک ئامادە بکەی ئەوانیش کارەکەیان زۆر پێ ئاسانە و بەدڵفراوانیەوە دەڵێن: خۆ نانکردنی نانی تیری نییە.[1]