نامۍ: عەلائەددین
نامۍ تاتەی: عومەر زیائەددین
ساڵۊ پېڎابېیەی: 1863ز
یاگۊ پېڎابېیەی: #تەۋېڵۍ_هۆرامان#
ساڵۊ کۊچی دمایی: 1954ز
یاگۊ کۊچی دمایی: #بېیارۍ_هۆرامان#
$ژیواینامە$
شېخ عەلائەدین کەسایەتیێ نامدارو زانێوە خاوەن پایەگایێ بەرز، هەر جە سەردەمو زارۊڵەییشەنە خەریکو وانای و زیاتەر قورئانی موبارەکی بیەن، دماتەر زاستەکان و (نەحو سەرف و شەرعەش) وانان هەتا یاوان بە مادەی(سیووتی). سەرو ڕەویەو تاتەیش ڕاو موریدی و تەریقەتیش بەجا ئاوەردەن. دمای وەفاتو تاتەیش بە نیەت و ئیرشادی و وەڵاکەردەیۆ تەریقەتی لوان پەی(دەرەشیش، سەوڵاوا، دووڕوە)ی و خانەقاو مزگیش چەنە کەردېنێ و خەریک و ئیرشادی بیەن و جە گرد یاگەکاوە وانەرۍ ئامێنۍ و خانەقاکاشەنە فېروو خوڼەواری بیېنۍ و ڕاگەو تریقەتیشان وەرگېرتېنەو بیېنۍ بە موریدی. بەرەنجامو جەنگی جەهانی یەکەمی گرانی و قاتوقڕی گەورە دنیاو هەم کوردستانش گېرتەنەرە، شېخ عەلائەدین ئەچا وەختە ناهەموارەنە یاوان فریاو حەڵکی وەنەقومیاو داماگیۆ، جە خانەقاکاشەنە یاگېش پەی بېنەوایاو واردەش پەی دەسەبەر کەردېنۍ. شېخ عەلائەدین چەنی لەشکرو ڕووسی قەیسەری جەنگش کەردەن و باعزێ جە پیا ئازاکاش شەهیدۍ بیېنۍ. دماتەر گېڵانۆ پەی بیارۍ و یاگۍ تاتەیشەنە(شېخ عومەر زیائەدین) خەریکو ئیرشادی بیەن و مەدرەسەو بیارېش فراوان کەردەن و مامۊسێ شارەزێش پەی ئاردەن. شېخ عەلائەدین سەرەڕاو ئیرشادی شارەزایێ فرەش جە بوارو نەوەشی و پزیشکینە بیەن، کتېبێش بە نامۍ(طب القلوب) نیانەرە.[1][2]
ئەم بابەتە بەزمانی (هەورامی) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
ئەم بابەتە 346 جار بینراوە
ڕای خۆت دەربارەی ئەم بابەتە بنووسە!