ناونیشانی پەڕتووک: هەستی تەندروستی
ناوی نووسەر: عەتیە حەمەسەعید
ساڵی چاپ: 2021
ژمارەی چاپ: یەکەم
خانمە پزیشک و نووسەری بواری تەندروستی، عەتیە حەمەسەعید پەرتووکێکی بەناوی (هەستی تەندروستی) کە تایبەتە بە تەندروستیی ئافرەتان و کۆەرپە، چاپ و بڵاو کردەوە ڕاشی گەیاند لە قۆناغی یەکەمدا هەزار دانە له و کتێبە بەبێ بەرانبەر بڵاو دەکاتەوە.
له و بارەیەوە خانمە نووسەر و پزیشکی ئافرەتان و منداڵان، عەتیە حەمەسەعید ڕایگەیاند: ئه و کتێبە 280 لاپەڕەیە و لە ئێران چاپ کراوە کە خۆی لە کۆمەڵێک وتای تەندروستیی تایبەت بە ئافرەتان و کۆرپەلە و منداڵاندا دەبینێتەوە.
گوتیشی: لە کتێبەکەدا بە زمانێکی پاراو و ئاسان باسم له و گرفتە تەندروستییانە کردووە کە ڕووبەڕووی ئافرەتان و کۆرپە دەبێتەوە، لە ژیانی هاوسەرگیریدا بەداخەوە زۆرێک لە ئافرەتان به شێوەیەکی نازانستی و تەندروستی مامەڵەی لەگەڵدا دەکەن، بۆیە پێویستە هەموو ئافرەتێک ئه و کتێبە بخوێنێتەوە.[1]