حورمەتی دڵ واجیبە چونکە مەکانی دڵبەرە
مەیشکێنن، ناوی پڕ ئیکسیری کەعبەی ئەکبەرە
شیفتەی گێسووی ئەیازێکم لە غەم مەحموودسان
لەشکری غەمزەی، لە غەزنەی خاترا غارەتگەرە
شیعە و سوننی لەلای من هەر یەکێکن، چونکە یار
نەسلی ئەولادی حوسەین و ئەسڵی فەرعی عوممەرە
بۆ موحەممەد نەعتخوانم، چاکیری حەمزە و عەلی
خاکی پێی سەلمانی پاکیش بۆ سەری من ئەفسەرە
سا گوزارێ کە بەسەرما بێ لە ڕێی ئەهلی عەبا
گەردی پیرۆزی ڕەهت بۆ تاجی فەقرم ئەفسەرە [1]
#دیوانی سالم#
#سالم#