شتێکم دیت لە دەشتێ
چار لە حاردی، دوو لە تەنیشتێ
غارمدا نەیگەیشتمێ
حارد: ئەزر یان زەوی، چار لە حاردی، مەبەست لە وڵاخە کە چوار پێی هەیە لەسەر زەوی، بۆ ڕۆیشتن بەکاری دێنێ، دوو لە تەنیشتێ، مەبەست لەوەیە کە کەسێک سواری وڵاخەکە بووە، هەر دوو قاچی بەم لا و ئەو لای یان بە لاتەنیشتی وڵاخەکەدا شۆڕبووەتەوە، مەبەستی مەتەڵەکە ئەوەیە کە کەسێک سوارێکی بە غاری لە دەشتێکدا بینیوە، چەند ڕایکردووە بەدوایدا، نەیتوانیوە بیگاتێ. وەڵام (سوارێک لە کاتی غارداندا) .[1]