ڕۆژی 7ی ئۆکتۆبەر، دوای کوژرانی عەقید هاوکار، لەشاری #هەولێر#، #لاهور شێخ جەنگی# بەیاننامەیەکی بڵاوکردەوە و ڕایگەیاند ئەو پەیوەندی بەسەرۆکی حکومەتەوە کردووە و داوای لێکردووە بکەرانی ئەو ڕووداوە ئاشکرا بکەن.
ڕۆژی 8ی ئۆکتۆبەریش لاهور شێخ جەنگی، لەشاری هەولێر بەشداری لە پرسەی عەقید هاوکار بەرپرسی پێشووی دژە تیرۆری یەکێتی لە #موسڵ# کرد.
دوای بەشداریکردنی لاهور شێخ جەنگی، لەپرسەی ئەو بەرپرسەی دژەتیرۆر، میدیای یەکێتی هێرشیان بۆ سەر لاهور شێخ جەنگی دەست پێکردووە و سەرقاڵی دووبارە بڵاوکردنەوەی لێدوانە توندەکانی لاهور شێخ جەنگین کە پێشتر لە دژی #پارتی# بڵاویکردبوونەوە.
میدیای یەکێتی باس لەوە دەکەن کە لاهور سێخ جەنگی تا دوێنێ پارتی وەک دوژمن دەناساند، بەڵام ئەمڕۆ ناوی سەرۆکی حکومەت کە لەپشکی پارتییە بە بەڕێز دەهێنێت.
بەرپرسانی #یەکێتیی نیشتیمانیی کوردستان#، گومانیان لە نزیکبوونەوەی لاهور شێخ جەنگی و بەرپرسانی پارتی هەیە بۆیە دەستیان کردووە بەو هەڵمەتە. [1]