داستانو حەیدەری و سنۊبەرۍ
بەشۍ ویس و یەکەمە
حەیدەر بەگ چېرو ئېشو زامی سەختینە، بەردەوامەن جە گوفتەکاش پەی هومەیلێ: داخداری وېش بەرمەوزۊن، ماچۊ هیچ عاشقێ پی تەرزە داخدارو وېش نەکوشتەن!
ئاخر چن یاران حوری سرووشتەن
کەس داغداری وېش، وەی حاڵ نەکۊشتەن
یام وانە کېتاب، لەیلۍ عامیری
یام بشۊ نە شۊن، هومەیلای پەری
یام چوون زڵېخا خاڵ تەختەی بېگەرد
پەی دیڎار، باڵای یوسف چېشش کەرد
یا چومن، ئەڵبەت، شای مووبرماسم
مەبوو وە مېهمان، نە ڕای ئېخلاسم
دەیتر چېشم وات، وای نووری دیڎەم
ئەرۍ نەو غەزاڵ، هەم نەو ڕەسیدەم
وە گەر من مەردم قیبلەم سڵامەت
دیوانمان کەفت، فەدای قېیامەت
دەرد و حاڵ واتش، کېشاش ئاهی سەرد
هومەیلای کەنیز، مەیلەو دما، کەرد.
[1]