داستانۊ حەیدەری و سنۊبەرۍ
بەشۍ سی و یەرەمە
حەیدەر بەگ وەختێ هەواڵو شووکەردەو سنۊبەرېش جە دەمو پیرەژەنەکېوە ئەژنی، ئارامش چەنە بڕیا، یەک تۊرەکە زەڕش بە پیرەژنەکۍ دا، تاکو بەشکم کارێ کەرۊن، هەرمانەکۍ شېونۊ و شووکەردەکەیش سەرنەگېرۊ.
حەیدەر بەگ ئەژنی، کیسەی سەڎ تومەن
نیاش، بە حوزوور ئەو پیری پەڕفەن
چەنی دانەی لاڵ، پەڕ بەها و قیمەت
داش بە کناچۍ، ئەو پیری نەگبەت
کۊهەن، زەڕش دیی، ئاما وە سەما
واتش: ئەی جەوان، پەی ڕەزای ئەڵڵا
من پیری زەڕهان، قامەت خەمیدە
دوو پووڵەن، هوونم، ئەی نووری دیدە
ئەی سەڎ تومەن زەڕ، بە من چە نیسبەت
هەرچی مەواچی، بواچە خزمەت
وەلحاسڵ، حەیدەر سێ سەڎ تومەن زەڕ
ئەو شەو کەرد توفەیل، باڵای سنۊبەر
دایە، وات پەنەش: شېری بېئەندېش
سۍ سەڎ تومەن زەڕ، بە من یانێ چېش
ئاخۊم بۊ بە عېشق دانای لا مەکان
ڕازی دەروونت، وەنەم کەر عەیان
تا، من بە تەوفېق بینای لا یەنام
هەرچی مەواچی، کەرووش سەرئەنجام
[1]