داستانۊ حەیدەری و سنۊبەرۍ
بەشۍ چل و یەرەمە
پیرەژەنەکۍ گەرەکشەن حەیدەری پەی خەنەبەڼانو سنۊبەرۍ بەرۊن، بەڵام حەیدەر قبووڵش نېیەن:
کەیبانوو، ساتێ سەر ۋست نە دامان
شیی، وە بەحری فېکر، حیلەی بېسامان
وات: ئېم شەو بەسات، خەنەبەڼانەن
زەمزەمەی زینەت، پۊلی ڕەندانەن
ئەم شەو گیرۊدار، ڕای عەبەس نېیەن
خەنەبەڼانەن، کەس بە کەس نېیەن
ڕەنگێ مەبۊ، بە ڕووت بە لاشان
واچوو بە وەلاک، گۊنات بتاشان
دەستەی ڕەخت و خاڵ، زیبای موعەتتەر
تۊپە و چېر چەناخ، کەمەرە و کەمەر
بەرووت بەو جاگەی، پۊل پۊل نازاران
پەی دینی باڵای ئەو ماهی تابان
حەیدەر بەگ واتش: پیری پەڕۊ سەر
ئینە چە فېکرەن، فکرێ هەنیی کەر
بە من مەواچی، گۊنای وېت بتاش
پەرۍ سەرکۊنەی، قەومی قزڵباش.
[1]