داستانۊ حەیدەری و سنۊبەرۍ
بەشۍ پەنجاو یەکەمە
دمای پەلاماردایش، زەمای نابەدڵ (قەزەنفەر) حازرەن، چەمەڕایی سنۊبەرۍ کەرۊن، قەوم و قیلەش بە پېوایشۆ کیاستەن، چەنی ئانەیچە هەڕەشۍ کەرۊن و ماچۊ:
جە هەنگی ئێران، تا موڵکی فەرەنگ
بە من مەواچان، بېنامووسی و نەنگ
چەنی سنۊبەر، وادەمان، تا خاو
شەرت بۊ، وە تېخی، مەودای تازەساو
ئەوەڵ، ئەو بە عەشق، جققەی شا عەبباس
پارە پارەش کەم، وە تېخی ئەڵماس
دوەم، وەتېخی هیندیی سېیاڕەنگ
فارغ بسازوون جەی نام و جەی نەنگ
ئەلقېسە، یاوا، بە قەسری زەڕکار
لۊوا، نیشت وە بان، کورسی زەڕنیگار
برا زاوایان، گەوهەر، چەنی زەڕ
کەردەن زەڕ ئەفشان، زاوای بەڎگەوهەر
جۊشا، خەلایېق، غەوغا کەفت نە شار
یاوان، بە جامڕېز، ماهی جەهاندار
واتەن، بە یاران، ماهی مونەوەر
عەرزکەن، وە پابۊس زېبای سنۊبەر
زاوا، ئېنتیزار بانووی کشمیرەن
مدارا مەکەن، وادەمان دېرەن
ئامان وە تەعجیل، جەرگەی پاخەسوو
مدران وە نەزدی ئەو یاری خۆشخوو
واتەن، کەرەمکەر، هۊرېزە وە پا
گیان ئەفشانتەن، نە ڕاگەت زاوا
ئاوەردەن پەرېت، تەختی کەژاوە
برا زاوایان، مدران، وە پاوە
[1]