ژەمەو وېرەگایت نەبۊنە، شەریکۊ پشتییەکېت زەریفە بۊنە.
نویستەی: ئەسعەد ڕەشید
پەندێ ناوچەو هۆرامانینە، پېوەڼیش بە ژیوای مېیان و ژەن و پېیای (هامسەراوە) هەن. گرڎ کەس ژەنی یام پېیا، ئاواتش هەن، کە هامسەرەش/هامسەرش زەریف/زەریفە بۊنە/بۊن، ڕاسەن جوانی و زەریفی بەس ڕۊخسار نېیەن، بەڵکم جوانی هەم بەش بەشەن، هەم ڕېژەییج هەن، یانی جوانی گفتوگۊی، ڕەفتاری، ڕەوتی، تەبېعەتی، ئەقڵی و ئاوەزی، ویری و ئەندېشەی،...هتد، گردشان جوانیۍ هەنۍ، بەڵام ئەچا پەندېنە بەس مەبەسش جوانی ڕۊخساری هەن.
ماناو پەندەکۍ یانی جوانی و زەریفی جە کەلتوورو خەڵکو هۆرامانینە، مەگنۊ وەڵۍ قووتی و ۋاردەی.
[1]