داستانۊ حەیدەری و سنۊبەرۍ
بەشۍ پەنجاو حۆتەمە
سنۊبەرە، دمای گلەیی و دەردەدڵییەکاش جە بەختۍ و چارەیش، کە پەی پیرەژەنەکېش باسکەردۍ، پیرەژەنەکۍ (دایە)، جە مۊچیارییەکاش پەی سنۊبەرۍ خەجاڵەتە بېیە، ئاوەزش هەسش بە پەشیمانی کەرد، بە پڕتاف زېیارە، لاشا چۊڵ بی، بەڵام جېیاتی وەشی و شیرینی شەوەو ویساڵی، دەمەقاڵۍ و دژمانی مېیانو زەمای و سنۊبەرېنە درۊسۍ بېیۍ:
دایە خجڵ مەند، جە واتەی دڵبەر
پەشیمان و زار، وە تاو، شی وە بەر
مەردم، فارغ بېیۍ، هەر کەس نە جای وېش
زەما، مەن، چەنی، ماهی دەروون ڕېش
قەدرێ، جە شووشەی، ئەو ماهی پارە
واتش بە زەمای شوومی، ناچارە
ئاخر، چە خەیرەن، یە وەختی خاوەن
ئی ڕەخت و خاوە، پەی تۊ وەڵاوەن
پاسە تەقدیرش کەردەن، خوڎاوەند
بکېشۊ هېجران، نە مەعلووتەی بەند
زەما، ئېد ئەژنی چنگ وست وە گۊناش
واتش: ئەی پاشخوان، خەڵک قزڵباش
ئەوەند گانت دا، بە خەڵقی ئێران
ئاواییت کەردەن، تەمامی وېران
ئۍ ساڵ، نە ئێران، (لەوەند)ی قەڵاش
وېت کەرد، بە پاشخوان، خەڵقی قزڵباش
شەرت بۊ پارەت کەم، بە تېغی ئەڵماس
ئەی ئەوامەڼەی، خەڵکی قزڵباش
[1]