داستانۊ حەیدەری و سنۊبەرۍ
بەشۍ حەفتا و دوەمە
دمای تاریفەکاو شا عەباسی، سەرو بەژنو باڵاو سنۊبەرېرە، دمای پەرسەکېش جە سنۊبەرۍ، کە ئەرۍ بە من ڕازییە هەنی، یان بە حەیدەر بەگی، سنۊبەرە ئەژنیش و ئاماوە زوان، واتش:
سنۊبەر ئەژنی ئاما بە زبان
وات: ئەی شاهەنشا: قەیسەر پاسەبان
با گەردشی چەرخ لەیل و نەهار بۊ
شاهەنشا نە تەخت، هەر شەهریار بۊ
جققەی تاوس مەند، مەندە کەیانان
بە شاڎ بپېکی، نە موڵکی ئێران
درەفشی تەختت وە پا بمانۊ
بای موراد هەر دەم لفکەش بشانۊ
بەڵام من کەنیز، کەنیزانی شام
جە لای شاهەنشا، هەر ئېدەن ڕجام
ئەوەڵ بە خاتر، ئاغەی غەریبان
چوونکی غەریبم، نەگیریم تاوان
دوەم، من جە شار هەر ئېدەن ئەرجووم
کەنیزی شا بوون، حەیدەر ببۊ شووم
پەی چی، کە کېشان، جەفای فراوان
بەڎ عەهدی مەبۊ، پەی شاهی ئێران
وەر نە من کەنیز کەمینەی دەرگام
دۊعاگۊی تەمام، عەمری پادشام
شا وات: ئافەرین، ئەی شەمسی خاوەر
کناچۍوېم بی، بەخشایم بە حەیدەر
[1]