حەییی ڕەببانی! حەییی ڕەببانی!
فەرد «لايموت» ، حەییی ڕەببانی!
زات «لم يزل» بەحر مەعانی
بێعەیب و «لاشرک» هەم بێمەکانی
بە عەزیمیی وێت «علي الاعلی»
بە فەزڵ ئەنوار عەرش موعەللا
بە عیززەتی شەئن «أسما الحسنا» ت
بە نوور قودرەت پەردەی حیجابات
بەشق مەکتووبات جە لەوح مەحفووزت
بە شوعلەی خورشید گێتی ئەفرووزت
بە نوور قەلەم کورسی و مەقامات
بەو زینەت ئەفزای نەجم سەماوات
بە سوجدە و ڕوکووع فریشتەی نوورت
بە زەمزەمەی زیکر «بيت المعمور» ت
بە حورمەت نوور ئەنبیا تەمام
بەشق موحەممەد «صاحب المقام»
بەشق ئەمیران پشت و پەنای دین
یەعنی چەهار یار «سيد المتين»
بە شەرافەت نوور جوملە ئەولیا
بە سەبیل ڕۆح زومرەی شوهەدا
نەو مەعرەکەی سەخت بەڵا و ئاسیبا
«يوم يجعل الولدان شيبا»
بە ڕەحیمیی وێت ڕەحمەت بێ پایان
نەومیدم نەکەی نە دەرگای غوفران
بە ئەلتاف وێت زات بێمیننەت
عەفوو کەر گونام جە هەر مەعسیەت
هەرچەند سەراپام غەرق گوناهەن
جای ئومێد تۆی بە تۆم پەناهەن
جەودەم زەلزەلەی مەحشەر بۆ گوشاد
هەرکەس پەرێ حاڵ وێش مەکۆ فەریاد
بە عەزیمیی وێت «الله اکبر»
بە حورمەت نوور «سيد البشر»
نەی زنجیر زەنب حەملەن نە ڕیجلەین
ئازادم کەری شاهەنشای کەونەین!
بە کیبریای زات دانای داوەری
«فەقێ» جە دارەین سەر ئازاد کەری
#فەقێ قادری هەمەوەند# [1]