چون جە بەحر عیشق قەترەت کەرد ئەدا
زەڕڕێ ئەدا کەر جە شەمس بەقا
چون بەقا جەوهەر ڕۆحەن جە فەنا
«هم لای جزان ندارو شنا»
مەعلوومەن فەنا سەر دا جە مەنسوور
جە ئەکسەر زات جیلوەش کەرد زوهوور
چونکە بایەزید «تاج العرفاء»
نۆشابێ جورعێ جە بەحر بەقا
فەرما چون موددەی سی ساڵەن تەمام
با خالق خوێش مەڕانووم کەلام
پۆسە مەزانان خەدەمە و ئەسحاب
چەنی ڕەوانەن سوئال و جواب
«فەقێ» جە بەقا جوزئێت کەرد ئیزهار
هەنی کافییەن پەی نموونەی کار
سەلام دەر بە ڕۆح نەبییی خاتەم
باوەر بە تەحریر ئیقلیم سێیەم
#فەقێ قادری هەمەوەند# [1]