بېسارانی
ئەجەل داوم بۊ، ئەجەل داوم بۊ
تا کەی من چەنی دەوران داوم بۊ؟
تا کەی شەو بۍ یار، شیرین خاوم بۊ؟
بۊ با پات وە بان هەر دۇ چاوم بۊ
ئەر سەد پەژاران گېیانم مەستانان
وەس نېیەن بە نام زیندەم مەوانان
سپای غەم بەی تەور زۊر گېرتەن وەنەم
هەر ساتێ مەرگێ مەنمانۊ پەنەم
سەندەن نیمەیێ، ئەویچ هېجرانان
گەرەکشان بە زۊر چەنەم بستانان
نەواچی پەی چېش من چیم نەزانان
ئیسە مەواچۇ ئەجەل ها هانان؟
گېیانێ کە بەرشی بە یەک دېیانێ
جە کۊ باوەرۇن پەرېت، گېیانێ؟
شەماڵ شۊ واچە، بەو ئایېرناکە
بەو دڵ سفتەی خەم، سینە چاک چاکە
ئەر سەد ساڵ سۊچۊ وەن‌دار جە شاخان
چ پەروا دارۊ عەرعەر جە باخان
[1]