#وەلی دېوانە#
تەیرانی تېژباڵ، تەیرانی تېژباڵ
قازان قوڵەنگان تەیرانی تېژباڵ
خۆزگە پێتان بۊ جەی ماوا و مەحاڵ
مەشدێ وە لېڵاخ بەندی سەر ساراڵ
مەگېڵان کاوکاو بەندی لېڵاخان
یۇرت چەراگای بوڵەند دەماخان
مەوینان وە چەم سېیاماڵی خېڵ
مشکین کڵافان کۊی کەتۇن وە پېڵ
پۊلی پەری ڕەم تایېفەی جافان
نازک نازداران عەنبەر بۊی نافان
تەمام نازاران واشتەن کەژ وەدۊش
دیدەی مودبەران بەرگی داراپۊش
یەک یەک خاڵ خاسان خېڵی مرادی
جە ئېڵاخ چەنی قیبلەم وە شادی
مەگېڵان وە فەرق سېیاماڵان دا
مەڎیان وە خېڵی سۊسەن خاڵان دا
درېغ منیچ تەیر هەوایی بېیام
چەنیشان بەو زێد تا ڕاهی بېیام
چېگە تا ئەو زێد بنیشتام وە باڵ
شاد بېیام بەو زێد بەو ماوا و مەحاڵ
تا قیبلەم چەنی پۊلی ڕەوېڵان
بڎیام وە سەردەم تەتاری خېڵان
[1]