نامۍ: ڤانێست
نازنام: سەعاتچی
نامۊ تاتەی: بڕیار بەهجەت سەعاتچی
نامۊ ئەڎێ: کەژاڵ دارتاش
ساڵۊ پېڎابېیەی: #2000#
یاگۊ پېڎابېیەی: #سلېمانییە#
$ژیۋاینامە$
ڤانسێت چە تەمەنو گولانەییۆ ئارەزۇمەڼیش پەی وەرزشی بېیەن، بەتایببەت بالە. چە یانېۋی وەرزشیی تاییبەتو بە ژەنا #یانەی ئافرۆدێت# دەسش بە وەرزشی کەرڎەن. بەڵام ۋەرو درېژەدای بە وەنەی چە وەرزشکەرڎەینە بەرڎەوامە نەبېیېنە. دماتەر ساڵۊ2014 دۋەبارە چە هەمان یانەی وەزشیینە دەسشپنەکەرڎنۆ و بە پەشتیۋانی (مامۊسا نەهرۆ و مامۊسا ئالان)ی تاکو ئیسە چاگە سەرو وەرزشکەرڎەی بەرڎەۋامە هەنە. دماتەر مامۊستا سەنگەر ئاڎەش یاۋنێنە ئاستو خاستەرین وەزشکەرا ئێراقی. هەرپاسە خېزانەکەش بەرڎەوام و هەردەم پەشت و پەناو ئاڎۍ بېیەن، تاتەش کەسېۋ بېیەن، کە گرڎ پاڵەۋانیېۋ و تەنانەت گەمەی دۊسانە، یان حەکەمش بېیەن، یان ئاماڎەو دېیەی گەمەکاش بېیەن و هاندەرش بېیەن، چۇنکە ئاڎیچ تەمەنېۋی فرەش چە وەرزشکەرڎەینە سەربەرڎەن، تاکو ئیسەیچ بەرڎەۋام مەنەن.
چە ماۋەو ئی چڼ ساڵەینە چە فرەو خولەکا و پاڵەۋانییەکانە بەشداریش کەرڎەن و هەردەم دەستکۊتو یانەکەیشا چە ئاستېۋی فرە خاسەنە بېیەن و ئیسەیچ ئینا چە پلەی یەکەمو وەڵکۆتا ئێراقینە، ئاڎە چە بڕېۋو خولە وەرزشییەکانە پېسە خاستەرین گەمەکەرۍ دەسنیشانە کریێنە و ساڵۊ 2017 چە پاڵەوانیی کورڎەسانینە پېسەو خاستەرین گەمەکەرۊ پاڵەۋانییەکەی دەسنیشانە کریێنە و دماتەر چە خولۊ #هەڵەبجەو 2021#ینە دۋۍ جارۍ پېسەو خاستەرین گەمەکەرۍ چە دۋۍ گەمانە دەسنیشانە کریێنە و دماو ئانەیە چە پاڵەۋانیی ئێراقو2021 پېسەو خاستەرین گەمەکەرۍ گرڎینۍ دەسنیشانە کریێنە و دۋۍ جارۍ پەی هۊرۋچیاو ئێراقی نامېش دلۍ نامۊ گەمەکەرە هۊرۋچیاکانە بېیېنە، چنی ئانەیچە هیچ هومېڎېۋما بە هۊرۋچیاو ئێراقی نېیا، چۇنکە هیچ ساڵېۋ ئەنجام نەڎریان. بەڵام سەرو ئاڎۍ هیچ هەژمۇیېۋی نەرېنیش درۊس نەکەرڎەن و ئەجۊش متاۋۊ ڕۋېۋ چە ڕۋا چە بەرو ئێراقییۆ ئاست و تەۋانایی وېش نیشان بڎۊ.
دۋۍ جارۍ پېسەو هۊرۋچیاو زانکۆکا ئێراقی چە پاڵەوانیی بالەو کەنارو دەریای بەشداریش کەرڎەن، کە چە شاری مەسقەت- وڵاتو عومانی بەرپاکریا. ۋەرو ئانەیە کە یەکەم ئەزموونشبۍ، چا گەمەنە نەتاوانش هیچ دەستکۆتېۋ بەدەسبارۊ. بەڵام پەی دوەم جاری بە نامۊ یانەو بەستاملی کەرکۇکی چە شارو تکریتی بەشداریش کەرڎەن و تاوانش پلەی یەکەم بەدەسبارۊ و پېسەو خاستەرین گەمەکەرۍ هۊرۋچنیۊ و چە لایەنو یەرۍ یانا ئاگەیۊ بانگەشتە کریۊ و چە لایەنو بڕېۋ چە یانەکاۋە بۆندش پېشکەش کریان. بەڵام ۋەرو ئانەیە، کە دلۍ خېزانو (ئافرۆدێت)ینە ئاسۇڎۍ بېیېنە، بەشڎاری ئا یاناشە ڕەتکەرڎەنۆ. خولیای وەرزشیی بېیەن بە مەڵامەتو ئانەیە، کە بەشۊ وەرزشو زانکۊی هۊرۋچن و تاۋانش چە یەرە ساڵەو وەنەیشەنە دلۍ ڕیزبەڼیی یەکەمەکانە بۊ و پاڵو ئانەیشاچەنە چە سەردەمو زاڕۊڵەییۆ بە ڕادېۋی فرە خولیاش پەی هونەری و مۊزیکی بېیېنە. بەڵام بەداخۆ دەرفەتش نەبېیەن، بە ئا هۊگرییاشە پەرەبڎۊ، هومېڎوارە هەنە، ڕۊزگارېۋ بتاۋۊ پېسەو هۊگرییە وەرزشییەکەیش، بە هۊگرییەکا تەریش پەرەبدۆ. ئاڎە سپاسگوزاریېۋی فرەش پەی کوردیپێدیای هەن، کە چە گەنجا لاشکەرڎەنۆ و گرنگییشا پنە مڎۊ.
[1]