#وەلی دېوانە#
نە «شەم» جېیام من، نە «شەم» جېیام من
«پەروانە»ی پەشېو نە «شەم» جېیام من
مەجنۇنی بەدبەخت چارە سېیامەن
شەم داخی حەسرەت وە دڵ نېیامەن
قەیس ئاسانەی خېڵ شای شەمم مەندەن
وېڵ و دەربەدەر فامم پەرکەندەن
تەن تەنیای بېکەس یانە بېدیمەن
گوم نە گېج بەحر نائومېدیمەن
سېیاتەر نە سەنگ هەوارانەمەن
عەبداڵی بەڕگېڵ دېیارانەمەن
مەنزڵ نە ماوای تۇن تەوەسمەن
جەفا وە بېسۇد ڕەنج وە عەبەسمەن
عەزا و مەینەتی سەد کۊ بارمەن
پەری دېیەن دۊس ئېنتېزارمەن
چەنی وەحشییان ڕۊ هامڕازەمەن
شەو نە شکەنجە گیر و گازەمەن
چەمەڕای ڕای دۊس لېڵاخ نشینمەن
بە ئەسری حەسرەت دیدە نمینەن
هەراسان نە قەوم بېزار جە زێدمەن
دەست نە «شەم» بڕیا دڵ نائومېدمەن
تا وە ڕۊی مەحشەر مات و مەحزۇنمەن
سۊزی سەودای عەشق «شەم» نە دەرۇنمەن
[1]