بەڕێوەبەرایەتی باخچەکانی #سلێمانی# ئاماری ڕێژەی سەوزایی پارێزگاکەی بڵاوکردووەتەوە و ئاماژە بەوەکراوە لە دوای ڕاپەڕینەوە ڕێژەی سەوزایی سێ هێندە زیادی کردووە.
بەڕێوەبەرایەتی باخچەکانی سلێمانی لە ڕاگەیەندراوێکدا ئاماژەی بەوەکردووە: ڕووبەری سەوزایی لە سلێمانی گەیشتووەتە لە 19.6٪ کە دەکاتە 12 ملیۆن و 780 هەزار مەتر دووجا و بەو پێیەش بێت ڕێژەی سەوزایی زیادی کردووە.
باس لەوەشکراوە: لە دوای ساڵی 1991ەوە ڕێژەی سەوزایی لە سلێمانی سێ هێندە زیادی کردووە لە کاتێکدا گەشەی پارێزگاکەش شەش هێندە زیادی کردووە.
لە چەند ڕۆژی ڕابردووشدا هەڵمەتی ڕواندنی یەک ملیۆن نەمام لەسەر ڕاسپاردەی #بافڵ تاڵەبانی#، سەرۆکی #یەکێتیی نیشتمانیی کوردستان# لە تەواوی پارێزگاکانی هەرێم دەستیپێکرد. [1]