وامزانی ڕادیۆیە قسەی کێیە؟ لای خۆمان بە کاراکتەری سەردار وەڵام دەدرێتەوە.. بەڵا لە ڕاستیدا مارلین مۆنرۆیە..
وەڵامەکەی:
ساڵی 1952، مارلین مۆنرۆی ئەکتەری ناوداری ئەمریکی خەونەکەی بەدیھات و ناوبانگی لە ڕێگای ھۆڵیۆدەوە ھەڵکشا. مۆنرۆ بەھۆی ژیانی منداڵییەوە گیرۆدەی چەندان گرفتی دەروونی بوو، کە لە ڕەفتاریدا ڕەنگی دابووەوە، بەتایبەتیی ھەڵپەی ناوبانگ پەیداکردن بەھەر ڕێگا و نرخێک بێ. بۆیە کاتێک کە فۆتۆگرافەرێک داوای لێ کرد، بەبێ جلوبەرگ وێنەی بگرێ، ڕەتی نەکردەوە. ئەگەرچی شتێکی وا لە کۆمەڵگای ئەمریکی ئەو کاتەدا نامۆ بوو. بەڵام مەرجێکی سەیری دانا و ئەوەبوو کە ھاوسەری فۆتۆگرافەرەکە لە کاتی وێنەگرتنەکە ئامادەبێ!
کە وێنەکان بڵاوبوونەوە و بوو بە دەنگوباسێکی گەورەی ئەو کاتە، مۆنرۆ بە ڕابواردنەوە دەیوت (وامزانی ڕادیۆیە). [1]
#چیمەن ساڵح#