#زیاد جەبار# سەرۆکی فراکسیۆنی #یەکێتیی نیشتمانیی کوردستان# لە پەڕڵەمانی کوردستان ڕایگەیاند: بۆ هەڵبژاردن کار بە یاسایەک دەکرێت کە هی 30 ساڵ پێش ئێستایە، بۆیە هەموو لایەکمان درک بەوە دەکەین یاساکە کەموکووڕی تێدایە و پێویستدەکات ئێمە یاسایەکی نوێمان هەبێت.
ئاماژەی بەوەشکرد، هەڵبژاردنی یەک بازنەیی باوی نەماوە ناتوانێت هاوسەنگیی نێوان ناوچەکان و شار و شارۆچکەکانی هەرێمی کوردستان بپارێزێت، #سلێمانی# ژمارەیەکی زۆر کریستیان تێدایە کە لە ماوەی 30 ساڵی ڕابردوو یەک جاریش کریستیانیەکی سلێمانی نوێنەریان لە پەڕڵەمان نەبووە و لای ئێمە ئەمە غەدرە لە کریستیانیەکانی سلێمانی کراوە.
سەرۆکی فراکسیۆنی یەکێتی لە پەڕڵەمانی کوردستان ڕاشیگەیاند: یەکێتی هەرگیز ناچێتە هەڵبژاردنێکەوە کە پارتی لە بەرژەوەندی خۆی ڕێگە نەدات تۆماری دەنگدەران پاکبکرێتەوه. [1]