#پارتی دیموکراتی کوردستان# دەیەوێت بێ گەڕانەوە بۆ #یەکێتیی نیشتمانیی کوردستان# ڕۆژی هەڵبژاردن دیاری بکات و چیتر چاوەڕێی وەڵامی لایەنەکان ناکات.
پلانی پارتی دیموکراتی کوردستان ئەوەیە دوای کۆتایی هاتنی پشووی زستانەی پەڕڵەمانی کوردستان، پەڕڵەمانی کوردستان دەست بە ڕێ و شوێنەکانی کاراکردنەوەی کۆمسیۆنی باڵای هەڵبژاردنەکانی هەرێم بکات..ئەگەر یەکێتیی نیشتمانیی کوردستان و لایەنە سیاسییەکان نەهاتنە ژێرباری دیاریکردنی ڕۆژی هەڵبژاردنی پەڕڵەمانی کوردستان ئەوا پارتی لە ڕێگەی ئەو زۆرینە پەڕڵەمانییەی لەگەڵ کورسی کۆتاکان هەیەتی بەکاردەهێنێت و کۆمسیۆن کارا دەکاتەوە.
پارتی دەیەوێت لە کۆتایی ئەمساڵ یاخود سەرەتای ساڵی داهاتوو هەڵبژاردنی پەڕڵەمانی کوردستان بەڕێوە بچێت و پێویست بەوە نەکات چیتر ماوەی کارکردنی پەڕڵەمانی کوردستان درێژبکرێتەوە.
لای خۆشییەوە یەکێتیی نیشتمانیی کوردستان تا ئێستا #20-01-2023# بەبێ هەمواری یاسای هەڵبژاردن ئامادە نییە بچێتە ژێرباری دیاریکردنی ڕۆژی هەڵبژاردنی پەڕڵەمانی کوردستان. [1]