ناڤ: هاشم
نازناڤ؛ مەحمود ئێزدی
ناڤێ باب: ئەلیاس سلۆ
سالا ل دایکبوونا: 1944
سالا شەهیدبوونا: 1975
جێی ژ دایکبوونا: شارەدێیا #باعەردێ#
جێی شەهبوونا: گوندێ #ڕەدنیا# ل بەرێ چیایێ گارە
$ژیانامە$
ساڵا 1944 ێ ل ناحیا باعەدرێ هاتیە سەردونیایێ ، پشتی نسکۆيا شۆرەشا ئەیلوولێ شەهید دگەل خێزانا خو ئاوارەی ئیرانێ دبیت، پشتی چەند هەیڤا خێزان و برایێ خۆ حسێن و زاروکێت خو ڕەوانەی عیراقێ دکەت ئانکو تەسلیمی ڕژێما عێراقێ دبن، ل شەڤا 18 ل سە ڕ 19 ھە يڤا (8) سالا 1979ێ ل گوندێ ڕەدنیا ل بەرێ گارەی ب دەستەکێ خیانەتکاری ( مەحمود ئیزیدی ) دھێتە شەهید کرن .
ل سالا 1985د شۆرشا گوڵانێ دا جەنازێ شەهیدی هاتە ڤەگوهاستن بۆ دەرێگەلی کانی مازی ل دەڤەرا بەرواریا، ل سالا #18-08-2001# هاتەڤەگوهاستن بۆ #لالشا# نورانی ب مەراسیمەکێ سەربازی ب ئامادەبوونا نوێنەرێ جەنابێ سەرۆک #مەسعود بارزانی#، ل سالا 2011 ێ ل چوار ڕیانا شێخان پەیکەرێ شەهید ( مەحمود ئێزيدی )هاتە ڤەکرن ژ لایێ وەزارەتا ڕەوشەنبیری یا حکومەتا هەرێما کوردستانێ.
ل سالا 1991دەمێ جەنابێ سەروک مەسعود بارزانی ل باعەدرێ کری سەردانا مالا شەهید مەحمود ئیزدی کر و گوت دبێژين نموونا قارەمانیێ ل ڕێبازا پارتی و بارزانی شەهید مەحمود ئێزیدی يه.
$خەباتنامە$
شەهید هاشم ئەلیاس سلو یێ بەرنیاس ب مەحمود ئێزدی، پشتی ژیانەکا سەخت د لەشکەرێ عیراقێدا فێربونەکا باش د ئەرکێ سەربازیدا، ل سالا 1963 ل دەستپێکا شۆڕەشا ئەیلوولێ هاتیە دناڤ ڕێزێن پارتی دیموکراتی کوردستان دا و بوویە پێشمەرگە بەردەوام بوویە ل سەر خەباتێ تا سالا 1975 ێ، مەحمود چەندین چاڤپێکەفتنا دکەت و بریارێ ددەت دگەل چەند هەڤالا سنورێ ئیران و عێراق و تورکیا تێپەڕینیت بەرەف سووریا و بەشداری چەند خولێن مەشق و ڕاهێنانێ بکەت ل سووریا، هەر ل وی دەمی نەئارامی بۆ شەهید مەحمود و هەڤالێن وی پەیدا دبیت، مەجبور دبن دەربازی تورکیا ببن و دچنە ناڤ گوندێن گویی و قشوریا ودیسان نەئارامی بو وان چێدبیت ژلایێ جەندرمێن تورکیا و دویف وان دگەرێن و نەچار دبن، پشتی چەند چاڤپێکەفتنا دگەل سەکردایەتیا کاتی پارتی دیموکراتى کوردستان ئەنجامبدەن .
شەهید مەحمود د گەل عادل مزوری و چەند هەڤالا دەربازی کوردستانا عیراقێ دبن ل سەر لێڤا خابوری ل کوماتەی ل کۆمبوونەکا فراوان بە بەشداریا سامی عەبدولڕەحمان (1933- 2004)، جەوهەر نامق، زەعیم عەلی و کەریم شنگالی (1950) ، پەیاما شۆرەشێ و بڕیارا سەرکردایەتیا کاتی چەندین بەلاڤوکا هەلدگرن و ل 3/3/1976 دەست ب کارێ ڕێکخستنێ دکەن، چەندین پێشمەرگەهێن ئەیلولی دبینن و پەیاما بارزانی دگەهیننە وان و چەندين ڕێکخراوێن نهێنی د دامەزرینن.
شەهیدی سەرکردە دگەل چەندين هەڤچەپەرێن خوه بو ئێکەم گولەيا شورەشا گوڵانا پێشکەفتنخواز ل دەڤەرێ ل سەر دەستێ وان هاتیە هاڤێتن، بارەگايێن عەسکەری يێن ڕژێما بەعسی دکەنە ئارمانج هەر ل وێ ڕۆژی چریسکا ئێکێ یا شۆرەشا گولانێ هاتە هەڵگیرساندن، پشتی تورا وان دھێتە ئاشکرا کرن ژ بەر چالاکیێن بەرفرە، زور هەڤالێن وان خۆ دگەهینە دناڤ ڕێزێن شورەشێدا و دبنە پێشمەرگە و بەردەوام دبن، چالاکیێن خوەێن لەشکەری ئەنجام ددەن بو سەر ڕەبیێن دوژمنی ۆئێک ل دویڤ ئێکێ دکەنە ئارمانج، دربێن مەزن و کوژەک ل دوژمنی ددەن، شەرێ مان و نەمانێ دکەن و داستانێن زۆر مەزن تۆمار دکەن ...
شەهیدێ فەرماندە ( مەحمود ئیزیدی ) د چەندين شەرو داستان و چالاکياندا پشکدار بوويه، ڕولەکێ بەرچاڤ ھەبوويه ل ڤان شەڕاندا: :
شەرێ پێلکێفێ کو دوو جاران بریندار دبیت، شەرێ ئەتروش، شەمکانی، گەلی کورتکێ، بەرکجکی، ئەلقوش، سەرسنکێ، گەلی کورتکێ کو دڤی شەری دا بریندار دبیت، داستانا سەرسنکێ، داستانا چەمان، دوستەکا و کانی، نسرە، بانی، دێرەلوش، دەکان، بلان، شەرێ مەتینی و گارەى وھتد...
چەندين هونەرمەند و هەلبەستڤانا ل سه ڕ قارەمانەتی و ئەفسانەیا شەهيدێ نەمر ( مەحمود ئیزیدی )
هەلبەست نڤێسینە و گوتينه
-دەلوری کورێ من لوری بابێ تە کوشتن دایک ب گوری) ژ وانە بەرێز قادر قاجاخ پارتیزانێ ئەفسانە
-بەرێز جەعفەر ئێمینکی ، بەرێز مەحمود ، موئەيەد تەيب
(گارە هەريێ ل جهێ خوو )
-هەلبەستڤان عەبدولرەحمان مزوری ( قولنک )
-بەرێز قادر حەسەن مه سوزه و بەرێز مەجيد حسو
-بەرێز عارف حيتو (رەوشا پێشمەرگەهەکی)
-هشيار ڕێکانی ( بوومە مەحمود ئێزدی)
-حسێن باعەدرى( ڕەها داری)
-ژارو دهوکی
-حەبيب کەلەش چاخێ ئەم بێژن گولان مەحموود ئیزدی تێتە بير
هەژی گوتنێیە بەرێز قادر حەسەن و سەعید خودێدا پەرتوکەک سەر ژیانا شەهید مەحمود ئیزیدی چاپ کریە. [1]