ناونیشانی بابەت: هۆلیود سمایڵ چییە و چۆن دەکرێ، ئایا ددانەکە بچووک دەکرێتەوە؟
ئامادەکردن: د. #تروسکە عەبدوڵڵا#
هۆلیود سمایڵ کیفێکی جوانکارییە کە بۆ ددانەکانی پێشەوە دەکرێ و زەردەخەنەیەکی جوان دەبەخشێبەکەسەکە ، بەڵام مەرجە ئەو کەسەی هۆلیود سمایل دەکات ددانەکانی بە شێوەیەکی گشتی تەندرووست و بێ موشکیلە بن.
$ئەوکەسانە کێن کە بۆ هۆلیود سمایڵ گونجاون؟$
1- کەسێک ڕەنگی ددانەکانی زەرد بێت و حەز بکات ددانی سپیتر و ڕەونەقدارتر دەربکەوێ.
2- کەسێک ددانەکانی پێشەوەی دەماربڕین بێت یاخود پڕکراوەبن و ڕەنگیان گۆرابێت بە تتێپەربوونی کات.
3- یاخود کەسێک ددانەکانی پێشەوەی نارێکیەکی کەمیان تێدابێت، بەڵام ئەگەر نارێکیەکی زۆریان هەبێت دەبێ سەرەتا تەلی ڕاستکردنەوەی ددانی بۆ دابنرێ پاش ڕاستبوونەوەی ددانەکانی دەتوانێ هۆلیود سمایل بکات.
$ئایا لەکاتی ئامادەکاری هۆلیود سمایل ددانەکان بچوک دەکرێنەوە؟$
بەشێکی کەم لە ڕووی دەرەوەی ددانەکان دەگیرێ بۆ ئەوەی کیفێکی جوانکاری زۆر جوان و سرووشتی دەربکەوێ، ئەو بچوکردنەوەیەی لە هۆلیود سمایل بەکاردێت کەمترین بەش لە ددانەکە لادەبرێت بەبەراورد بە جۆرەکانی تری کیف.
$تێبینی:$
بۆ کەسێک کە ددانی ڕێکەو هیچ موشکیلەیان نییە و تەنیا لەبەرچاو لێکەری، دەیەوێ ئەم جۆرە کیفە جوانکارییە بکات، دەڵێ هۆلیود دەکەم لەبەر ئەوەی فڵان کەس کردوویەتی و جوانە! واباشترە نەیکات و دوای خەڵک نەکەوێ و دەسکاری پێکهاتەی ددانەکەت مەکە ئەگەر هیچ کێشەیەکت نیە! [1]