#بېسارانی#
شای سۊسەن خاڵان، شای سۊسەن خاڵان
مایەی ڕېحانان، شای سۊسەن خاڵان
کەردەنش وە زێد بورجی کۊساڵان
دینش سەرمایەی دڵ کەردەن تاڵان
دۇ زوڵفش دەستەی پەریزاد بەستەن
دۇ دیدەش دیدەی نەرگسی مەستەن
سوڵتانی سۊسەن، تەختی سوڵتانی
شېیەن نە مەزهەب، خاڵی موڵتانی
گوڵانی ڕەنگ ڕەنگ، نازاران دڵگیر
وەفراوان نېیان، نە پاشان زنجیر
نەبا جە ناگا دۇرگنان جە لاش
بنان وەختی سەیر فەرشی قەدەمگاش
گاهێ مەیلش هەن وە سەیرانی گوڵ
پا نەنیۊ وە بۇم، بنیۊ وە بان گوڵ
شیرین لەیلێوەن، سپەردەی وەیس بۊ
چۇن لەیلێ ڕەنگەن، با یەکێش قەیس بۊ
[1]