ناونیشانی بابەت: سستبوونی گورچیلە چییە؟
ئامادەکردن: د. #دێراو سەعید عوسمان#

سستبوونی گورچیلە واتە ئەوەی کە گورچیلە ناتوانێت فرمانەکانی خۆی بەشێوەیەکی باش بەڕێوەبەرێت ، لەتوانایدانابێت کە خوێن پاکبکاتەوە لە مادە زیانبەخشەکان.
$نیشانەکانی سستبوونی گورچیلە:-$
1- کەم بوونەوەی میز.
2- ھەڵئاوسانی قاچ و پەلەکان بەھۆی کۆبوونەوەی ئەو ئاوەی کە گورچیلە نەیتوانیوە فلتەری بکات.
3- ھەست کردن بە ماندوبوونێکی زۆر.
4- ھەناسەتەنگی.
$هۆکارەکانی چین؟$
1- مەیینی خوێن لە ناو یاخود دەوروبەری گورچیلە.
2- هەوکردنی بەردەوامی گورچیلەکان.
3- بەکارهێنانی بەردەوامی هەندێ جۆری دەرمان و مادە کحولییەکان.
4- چارەسەری کیمیایی.
5- نەخۆشی شەکرە کە کۆنتڕۆڵ نەکرابێ.
6- کەمبوونەوەی خوێن ڕۆیشتن بۆ گورچیلە.
$ڕێگاکانی خۆ پارێزی:-$
1- کۆنتڕۆڵکردنی شەکری خوێن.
2- کۆنتڕۆڵکردنی پەستانی خوێن.
3- ڕێکخستنی کێشی لەش.
4- کەم بەکارھێنانی خوێ.
5- خواردنەوەی ئاوی پێویست.
6- وازھێنان لە جگەرە کێشان.
7- وەرزش کردن. [1]