ناونیشانی بابەت: بۆچی نابێت هەوکردنی میزەڵدان پشت گوێبخەین؟
ئامادەکردن: د. #دێراو سەعید عوسمان#
هۆکاری سەرەکی تووشبوون بە هەوکردنی میزەڵدان بریتییە لە بەکتریا، زۆربەی تووشبوانیش خانمانن بەبەراورد بە پیاوان ، ئەویش بەهۆی ئەوەی کە خانمان میزەڕۆیان کورتترەو بەکتریاکان بەئاسانی ئەتوانن سەرکەون بەرەو میزەڵدان.
$نیشانە دیارەکانی هەوکردنی میزەڵدان:-$
1- هەستکردن بە سووتانەوەو خوران لەکاتی میزکردندا.
2- زوو زوو میزهاتن.
3- بوونی ئازار لە بەشی خوارەوەی سک.
پشتگوێخستنی ئەم حاڵەتە لێکەوتی خراپی لێ ئەکەوێتەوە بەتایبەت لەو کەسانەی کە سستی گورچیلەیان هەیە یا ئەو کەسانەی بەرگری لەشیان لاوازە چونکە لەوانەیە بەکتریاکان بگەنە گورچیلەکان تووشی هەوکردنیان بکات.
چارەسەری هەوکردنی میزەڵدانیش لەڕێگای دەرمانی تایبەتەوە دەبێت کە لەلایەن پزیشکی پسپۆڕەوە دیاری دەکرێت بەپێی حاڵەتەکە. [1]