#زیاد جەبار# سەرۆکی لیژنەی دارایی لە پەڕڵەمانی کوردستان ڕایگەیاند، بارودۆخی دارایی هەرێم لە ئاستێکی زۆرباشدایە، لەبەرئەوەی ئێمە چوار سەرچاوەی داهاتمان هەیە و یەکێک لەوانەش داهاتی فرۆشتنی نەوتە و گرنگترین و گەورەترین سەرچاوەی داهاتەکانە، لە ئێستاشدا #12-02-2023# فرۆشی نەوت لە ئاستێکی زۆرباشدایە.
سەرۆکی لیژنەی دارایی لە پەڕڵەمانی کوردستان باس لە 400 ملیارەکەى #بەغدا# دەکات و دڵنیا دەکاتەوە، ئەگەر ئەو بڕە پارەیە ڕەوانەی هەرێم بکرایە بەدڵنیاییەوە دۆخەکە باشتردەبوو، بەڵام ئێستاش کە ڕەوانەش نەکراوە کێشە بۆ دابەشکردنى مووچە درووست نابێت، چونکە فرۆشتنی نەوتی هەرێم لە ئاستێکی زۆرباشدایە و دەتوانرێت هەموو مانگێک لە کاتی خۆیدا مووچەی پێ دابەشبکرێت.
زیاد جەبار ئاماژە بە پلەبەرزکردنەوەى فەرمانبەران دەکات کە ماوەى شەش ساڵە ڕاگیراوە، لەو ڕوەشەوە وتى: ئێستا 12-02-2023 لە پەڕڵەمانی کوردستان بەدوای پلەبەرزکردنەوەی فەرمانبەراندا دەچین، ئەگەرچى لە وەزارەتەکانى پێشمەرگە و ناوخۆ و هەرسێ سەرۆکایەتییەکەی هەرێم پلەبەرزکردنەوەى کارى پێدەکرێت، بەڵام دەمانەوێت فەرمانبەرانى شارستانى کە پلەبەرزکردنەوەیان ڕاگیراوە، ئەو مافەیان بۆ بگەڕێتەوە. [1]