ناونیشانی بابەت: سەرئێشە
زنجیرەی یەکەم
ئامادەکردن: د. #دیلان عارف عەلی#
سەرئێشە باوترین جۆری ئازارە کە زۆرترین کەس دووچاری دەبنەوە، کە هەست بە ئازار دەکەن لە ناوچەی سەر و دەموچاو.
- سەرئێشە ئەکرێ جیاوازبێت لە ڕووی جۆر و کەم و زۆری و شوێن و بەردەوامی ئازارەکە.
- زۆربەی جار سەرئێشە مەترسیدار نییە، بەڵام هەندێک جار ئەکرێت نیشانەبێت بۆ حاڵەتێکی مەترسیدا.
$بە گشتی سەرئێشە ئەکرێت بە دوو جۆرەوە:-$
- سەرئێشەی سەرەتایی.
- سەرئێشەی دووەمی.
سەرئێشەی سەرەتایی:
بەهۆی زیاد چالاکی یان کێشەیەک لە پێکهاتەی هەستیاری ئازار لە مێشکتدا، درووست دەبێت. لەهەندێک کەسیشدا هۆکارەکەی بۆماوەییە.
- سەرئێشەی سەرەتایی نیشانەی نەخۆشییەکی ترسناک نییە بەڵام ئازار بەخشەو ئەکرێت کاربکاتە سەر کاروبارو ژیانی ئاسایی کەسەکە.
$سەرئێشەی سەرەتایی چوار جۆری هەیە:-$
1- سەرئێشەی گرژبوون.
2- سەرئێشەی شەقیقە.
3- سەرئێشەی هێشوویی.
4- سەرئێشەی بەردەوامی ڕۆژانە (NDPH)
سەرئێشەیی سەرەتایی ئەکرێت بەهۆی چەند هۆکارێکەوە کە پەیوەندی بە ژیانی ڕۆژانەوە هەیە درووست ببێ وەک:-
- جگەرە کێشان و خواردنەوە کحولییەکان.
- نەخواردنی ژەمە سەرەکییەکان.
- دەنگە دەنگ و ژاوە ژاو.
- کەم خەوی.
- کار یاخود وەرزشی قورس.
- کۆکە یاخود پژمین بە زەخت. [1]