=KTML_Bold=ئەمساڵ 2023 کارەبا بە دۆخێکى خراپ تێپەڕدەبێت=KTML_End=
سەرۆکى حکوومەتى هەرێمى کوردستان، نیگەرانى خۆى لەبارەى ئاستى بەرهەمهێنان و دۆخى کارەباى هەرێمى کوردستان گەیاندۆتە بەرپرسانى وەزارەتى کارەبا.
بەپێى ئامارە فەرمییەکانى وەزارەتى کارەباى حکوومەتى هەرێمى کوردستان، ئاستی بەرهەمهێنانی کارەبا گەیشتە 4000 مێگاوات و خواستی بەکارهێنانی کارەبا 7000 مێگاواتی تێپەڕاندووە.
لەماوەى سێ مانگى ڕابروو و سەرەتاى ساڵى 2023، پێدانى کارەباى نیشتمانى لە خراپترین ئاستدابووە، بەراورد بە چەند ساڵى ڕابردوو بە جۆرێک وەزارەتى کارەبا نەیتوانیووە 12 کاتژمێر کارەباى ڕۆژانە بۆ هاووڵاتیان دابینبکات.
#مەسرور بارزانى#، سەرۆکى حکوومەتى هەرێمى کوردستان لە بارەى خراپى دۆخى کارەبا نیگەرانییەکانى گەیاندۆتە وەزیرى کارەبا و بەرپرسانى ئەو وەزارەتە و پێیوایە سەرکەوتوو نەبوون لە دابینکردنى کارەباى پێویست و کارەکانیان لەگەڵ بەڵێن و کارنامەى حکومەت ناگونجێت. [1]