ئەنجامی توێژینەوەکە لە گۆڤاری ئەمریکی بۆ نەخۆشییەکانی گورچیلە بڵاوکراوەتەوە، لەلایەن توێژەرانی زانکۆی هواژۆنگ لە شاری وهانی چین ئەنجامدراوە و پشتی بە داتای 6072 کەسی ئەمریکی بەستووە بۆ هەڵسەنگاندنی پەیوەندی نێوان خواردنی چەرەسات و بڵاوبوونەوەی نەخۆشییەکانی گورچیلە و گیان لەدەستدان بەهۆی ئەو نەخۆشییەوە.
لێکۆڵینەوەکە لەناو چەرەساتەکاندا کاریگەریی ئەرێنی گوێزی لەسەر گورچیلەکان بۆ دەرکەوتووە، بەشێوەیەک ئەگەر بەشێوەیەکی بەردەوام و ڕێکوپێک بخورێت، ئەوە تێکڕای مەترسیی گیان لەدەستدان بەهۆی نەخۆشییە درێژخایەنەکانی گورچیلە و نەخۆشییەکانی دڵیش کەمدەبێتەوە.
ئەوەش هاتووە: ئەگەر لە هەفتەیەکدا تەنیا یەک جار بڕێکی پێویست لە چەرەساتەکان بخورێت، ئەوە هەر کاریگەریی ئەرێنی دەبێت، بەڵام ئەگەر چەندبارە بکرێتەوە، ئەوە سوودەکەی بۆ نەخۆشییەکانی گورچیلە بەڕوونی دیارە. [1]